Yr unig Gymro i chwarae yn ffeinal Wimbledon wedi marw

 


Mae Mike Davies, yr unig Gymro i gyrraedd rownd derfynol Wimbledon, wedi marw’n 79 oed.

Yn enedigol o Abertawe, fe ddysgodd Davies ei grefft ym Mharc Cwmdonkin ac fe gafodd ei sgiliau eu darganfod a’u cydnabod gan y seren fyd-enwog Fred Perry yn ystod cystadleuaeth.

Fe gyrhaeddodd safle rhif 1 yn netholion Prydain yn ystod y 1950au ac fe gafodd nifer o lwyddiannau ysgubol yn y Davis Cup yn ystod y degawd.

Ond daeth ei awr fawr pan gyrhaeddodd e a Bobby Wilson rownd derfynol dyblau’r dynion yn Wimbledon, gan golli yn y pen draw yn erbyn Dennis Ralston a Rafael Osuna.

Aeth yn broffesiynol yn y pen draw gan achosi ffrae â’r awdurdodau tenis yn ystod cyfnod pan oedd chwaraewyr yn parhau’n amatur ar y cyfan.

Ar ôl ymddeol fel chwaraewr, aeth yn gyfarwyddwr gweithredol World Championship Tennis, gan wneud nifer o benderfyniadau arloesol, gan gynnwys cyflwyno peli melyn ac ehangu apêl y gamp ar gyfer y teledu.

Cafodd ei dderbyn i Oriel Enwogion y byd tenis yn 2012.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd