Pencampwraig beicio’n agor campfa newydd yn Aberystwyth

Diweddarwyd  


Rachel Atherton (Llun: Prifysgol Aberystwyth)
Roedd pencampwraig beicio mynydd o Ddyffryn Dyfi yn rhan o agoriad swyddogol campfa newydd ym Mhrifysgol Aberystwyth ddydd Mawrth.

Mae Rachel Atherton wedi ennill mwy o wobrau nag unrhyw feiciwr mynydd arall o wledydd Prydain yn hanes y gamp, a dywedodd ei bod yn edrych ymlaen at ddefnyddio’r gampfa newydd.

“Mae’n wych cael y cyfleuster anhygoel hwn mor agos at gartref, mae popeth sydd ei angen arnaf yma ac rwy’n bwriadu treulio llawer o amser yma,” meddai.

Offer rhyngweithiol

Mae’r gampfa werth £250,000 ac mae’n cynnig cyfarpar digidol a rhyngweithiol wedi’i ddatblygu gan Matrix Fitness.

Mae’n galluogi defnyddwyr i ymarfer mewn amodau gwahanol, gan gynnwys rhedeg drwy’r Sahara, beicio yn yr Alpau neu ddringo adeilad tala’r byd yn Dubai.

“Mae’r buddsoddiad hwn wedi ein galluogi i roi sylw arbennig i sut mae’r offer wedi ei osod, gan sicrhau bod pob agwedd ar y profiad o ddefnyddio’r gampfa yn fwy cyfeillgar a chroesawgar,” meddai Darren Hathaway, Rheolwr Cyffredinol Canolfan Chwaraeon Prifysgol Aberystwyth.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd