Anthony Hopkins: “Rwy’n ddyn anodd iawn i weithio gydag e”

Diweddarwyd am  

Mae’r actor o Gymru, Anthony Hopkins, wedi bod yn trafod ei frwydr yn erbyn alcohol, gan ddisgrifio ei hun fel dyn a oedd yn “anodd iawn i weithio gydag e”.

Roedd yr actor o Fargam ger Port Talbot, sy’n enwog am ymddangos mewn ffilmiau fel The Silence of The Lambs, The Elephant Man a Legends of The Fall, yn siarad am ei fywyd a’i yrfa o flaen cynulleidfa o fyfyrwyr yn Los Angeles.

Mae’n cyfeirio at gyfnod ar ddechrau ei yrfa actio pan oedd yn gaeth i’r ddiod.

Dywed mai diwylliant y theatr oedd yn bennaf gyfrifol am y broblem, gan ychwanegu ei fod yn “anodd iawn” i bobol weithio gydag e oherwydd hynny.

Fe gychwynnodd ar y daith i oroesi’r broblem ym mis Rhagfyr 1975, meddai wedyn, ar ôl i arbenigwraig ofyn iddo, “Pam na wnewch chi ymddiried yn Nuw?”

“Dylen i fod wedi marw yng Nghymru”

Mae Anthony Hopkins, sy’n 80 oed ac yn byw yn Malibu erbyn hyn, hefyd yy trafod sut y daeth i fod yn actor.

Dywed iddo gychwyn actio oherwydd nad oedd ganddo “ddim byd arall i’w wneud”, a’i gyngor i’r myfyrwyr oedd i gymryd pob cyfle sy’n dod iddyn nhw.

“O’m bywyd fy hun, dw i dal yn methu â credu sut beth yw fy mywyd oherwydd fe ddylen i fod wedi marw yng Nghymru – yn feddw neu rywbeth tebyg,” meddai.

“Dywedwch ie i bopeth. Dywedwch ie a chymrwch y siawns.”

Theatr

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd