RSS

Golwg360

MwyCau 

Marw’r cyfarwyddwr, Michael Bogdanov, yn 78 oed

Ebrill 18, 2017 10:55 Diweddarwyd am 10:55


Y diweddar Michael Bogdanov
Mae’r cyfarwyddwr theatr, ffilmiau ac opera Cymreig, Michael Bogdanov, wedi marw yn 78 oed.

Bu farw o drawiad ar y galon ddydd Sul, Ebrill 16, tra ar wyliau yng ngwlad Groeg gyda ffrindiau. Roedd wedi’i eni a’i fagu yng Nghastell Nedd, ac yn dad i bump o blant.

Roedd yn adnabyddus am ei addasiadau modern o waith Shakespeare ac mi gyfarwyddodd mewn sawl un o brif theatrau’r byd gan gynnwys Tŷ Opera Sydney a’r Tŷ Opera Brenhinol.

Bu’n Gyfarwyddwr Cysylltiol i’r Theatr Genedlaethol Frenhinol am wyth mlynedd, a bu’n Brif Weithredwr ar theatr fwyaf yr Almaen, y Deutsches Schauspielhaus, am dair blynedd.

Cyfarwyddodd wyth cynhyrchiad i’r Cwmni Shakespeare Brenhinol ac fe sefydlodd y Cwmni Shakespeare Seisnig yn 1986 ar y cyd â’r actor Michael Pennington.

Yn 2003 cyfrannodd at sefydliad Cwmni Theatr Cymru ac yn 2005 fe gyfarwyddodd y cynyrchiadau Cymraeg a Saesneg o Hamlet.

Bydd angladd i’r teulu yn cael ei chynnal yng Nghymru, a gwasanaeth goffa yn cael ei gynnal yn Llundain.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.