Llion Williams yn creu hanes yng Ngwobrau Theatr Cymru

Diweddarwyd  


Llion Williams (Llun: Theatr Bara Caws)
Mae’r actor Llion Williams wedi creu hanes drwy ennill y brif wobr Gymraeg a Saesneg yng Ngwobrau Theatr Cymru yn Abertawe neithiwr.

Dyma’r tro cyntaf i’r un actor ennill y wobr ar gyfer yr Actor Gorau yn y ddwy iaith ar yr un noson.

Yng Nghanolfan Celfyddydau’r Taliesin, enillodd Llion Williams y wobr Gymraeg am ei ran yn y ddrama Chwalfa (Theatr Genedlaethol Cymru), a’r wobr Saesneg am ei ran yn y ddrama ddwyieithog Belonging/Perthyn (Chapter/Torch).

Aeth y wobr am y Sain Gorau i Gruff Rhys, prif leisydd y Super Furry Animals, am ei waith ar y gân Candylion ar gyfer cynhyrchiad o The Insatiable, Inflatable Candylion (National Theatr Wales).

Enillodd Peter Doran wobr y Cyfarwyddwr Gorau am ei waith ar gynhyrchiad Torch o Belonging/Perthyn, sy’n ymchwilio i ddementia.

Sophie Melville yn creu hanes

Fe wnaeth Sophie Melville, sy’n hanu o Abertawe, greu hanes hefyd wrth iddi ennill y wobr ar gyfer y Perfformiad Benywaidd Gorau am yr ail flwyddyn o’r bron, a hynny am ei rhan yn Blackbird from Those Two Imposters yn theatr dafarn The Other Room yng Nghaerdydd.

Y llynedd, cipiodd hi’r wobr am ei rhan yn Iphigenia in Splott.

Gwobr Arbennig

Brodor arall o ardal Abertawe a enillodd y Wobr Cyfraniad Arbennig, sef y canwr opera rhyngwladol Dennis O’Neill o Bontarddulais.

Mae Academi Llais Rhyngwladol yn dwyn ei enw wedi’i sefydlu bellach ym Mhrifysgol Cymru y Drindod Dewi Sant yng Nghaerdydd, sefydliad sydd wedi cael canmoliaeth y gantores fyd-enwog y Fonesig Kiri Te Kanawa.

Cafodd y gwobrau eu rhoi gan banel o 40 o feirniaid sy’n gweithio ym myd y theatr Gymraeg a Saesneg.

Dywedodd cyfarwyddwr Gwobrau Theatr Cymru, Mike Smith fod y gwobrau’n “dangos y twf mewn theatr ddwyieithog yng Nghymru, gan adlewyrchu’r berthynas arbennig rhwng dwy iaith y genedl”.

Mae modd gweld yr enillwyr yn llawn ar wefan Gwobrau Theatr Cymru.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd