“Nostalgia a llawenydd” mewn pennod arbennig o Gavin & Stacey

 

Ruth Jones a James Corden

Llun: Comin Wicimedia

Mae James Corden yn dweud y bydd y bennod Nadoligaidd arbennig o Gavin & Stacey eleni yn llawn “nostalgia a llawenydd”.

Bydd y gyfres boblogaidd ar y BBC, sydd wedi’i lleoli yn y Barri ac Essex, yn dychwelyd am rifyn arbennig naw mlynedd ar ôl iddi ddod i ben.

“Roedden ni am weld os oedd yna rywbeth yn dal yno ac am sbel, doedden ni ddim yn siŵr,” meddai James Corden, cyd-awdur y gyfres gyda Ruth Jones.

“Ond unwaith roedd yna rywbeth, fy nheimlad i oedd fod bywyd yn rhy fyr.

“Ofn yw’r union reswm dros ei wneud e.”

Mae’n dweud na fydd y bennod yn canolbwyntio ar Brexit, a bod y criw yn dymuno i’r bennod fod yn “fom llawenydd a nostalgia”.

Mathew Horne a Joanna Page sy’n chwarae’r prif gymeriadau yn y gyfres, sydd hefyd yn serennu James Corden, Ruth Jones, Rob Brydon, Larry Lamb, Melanie Walters ac Alison Steadman.

Cafodd tair cyfres eu darlledu rhwng 2007 a 2010, ynghyd â rhifyn Nadoligaidd arbennig.

Mae’n adrodd hanes cwpl sy’n cwympo mewn cariad ar ôl bod yn sgwrsio dros y ffôn yn y gwaith bob dydd.

Roedd mwy na 10.2 miliwn o bobol wedi gwylio’r bennod Nadoligaidd ddiwethaf.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Gwobrau BAFTA Cymru 2018