“Mae bod yn Gymraes yn rhywbeth arbennig iawn” meddai Ruth Jones

Diweddarwyd am  
Ruth Jones

Ruth Jones a’i chymeriad Nessa ar lwyfan

Llun: Bryan Ledgard trwy Wikimedia Commons

“Mae bod yn Gymraes yn rhywbeth arbennig iawn,” meddai Ruth Jones, yr actores adnabyddus o Borthcawl.

Bydd seren a chyd-awdur y gyfres Gavin And Stacey, a gafodd ei magu ym Mhorthcawl, yn westai ar raglen Desert Island Discs ar Radio 4 heddiw (dydd Sul, Ionawr 13, 11.15yb).

Mae hi’n dweud bod cael ei magu gyda chymeriadau doniol cymuned glos yn y de wedi ei hysbrydoli i greu rhai o’i chymeriadau mwyaf adnabyddus.

Mae hi hefyd wedi ysgrifennu ac wedi ymddangos yn y cyfresi Saxondale a Stella.

“Ces i fy magu yn ne Cymru, ac mae’r bobol yn wych,” meddai wrth y rhaglen.

“Fe fyddech chi’n cyfarfod â phobol wych nad ydyn nhw’n gwybod eu bod nhw’n ddoniol, nad ydyn nhw’n gwybod fod yr hyn maen nhw’n ei ddweud yn ddoniol.

“Dw i jyst yn caru dathlu hynny, mewn gwirionedd.

“Dw i’n falch iawn o fod yn Gymraes. Dw i’n caru hynny.

“Mae bod yn Gymraes yn rhywbeth arbennig iawn.”

Hunaniaeth

Mae Ruth Jones bellach yn byw yng Nghaerdydd, ac wedi’i gwreiddio ym myd yr enwogion.

Mae hi wedi cydweithio â Tom Jones a Rob Brydon (ar gyfer Comic Relief), ac wedi cyfarfod â Barack Obama, cyn-Arlywydd yr Unol Daleithiau.

Mae bod yn Gymraes wedi ei helpu yn y fath amgylchfyd, meddai.

“Mae’n fath o flanced cysur i gael mynd i mewn i fy acen Gymreig gref,” meddai am ei hacen oedd wedi creu argraff ar Barack Obama mewn cinio yn Downing Street yn 2013.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn