FIDEO: Ffilm i gofio ‘hanes lleol’ y Rhyfel Mawr

Diweddarwyd  

Actorion ffilm ‘Cofia’n Gwlad’ am y Rhyfel Mawr

Llun: Theatr Troedyrhiw

Mae ffilm newydd yn llawn actorion lleol o ogledd Ceredigion wedi’i rhyddhau ar YouTube yr wythnos hon, ac mae’n olrhain hanes y Rhyfel Byd Cyntaf.

Mae’r ffilm, Cofia’n Gwlad, yn dilyn hanes bachgen o’r enw ‘Evan John’ sy’n ymuno â’r fyddin gyda’i fam yn torri’i chalon, ac mae’r ferch, ‘Mati’, hefyd yn gadael y fro i weithio’n nyrs yn un o ysbytai Birmingham.

Er nad yw union stori’r ffilm yn seiliedig ar hanes go iawn, “mae’r cymeriadau’n ddatblygiad o’r llythyron a gafwyd o’r arddangosfa,” meddai Euros Lewis, sydd wedi bod wrth gefn y gwaith cynhyrchu gyda chwmni theatr Troedyrhiw yn Nyffryn Aeron.

Ar gof a chadw

Mae’r ffilm yn codi o brosiect cymunedol gan gapeli yng ngogledd Ceredigion gan gynnwys Tal-y-bont, Capel Bangor, Bow Street a Phenrhyn-coch.

Mi wnaethon nhw benderfynu coffáu’r Rhyfel Mawr drwy gasglu llythyron a dogfennau o’r cyfnod ynghyd, a chynnal arddangosfa.

Bu hynny wedyn yn sbardun i’r ddrama wnaethon nhw ei llwyfannu yn 2014, a fersiwn o’r ddrama honno yw’r ffilm newydd.

Yn ôl Euros Lewis, bwriad y ffilm yw “crynhoi’r wybodaeth leol” a rhoi’r hanes ar gof a chadw.

“Un nodwedd oeddem ni’n sylwi arni oedd faint o ferched aeth i ffwrdd i weithio mewn ysbytai,” meddai.

Actorion lleol

Mae’r ffilm yn cynnwys actorion a chyn-aelodau o’r clybiau ffermwyr ifanc lleol gan gynnwys Dewi Jenkins, Geraint Jenkins, Rhian Evans, Rhydian Wilson a Carys Mai.

Mi gafodd ei dangos am y tro cyntaf yng Nghanolfan Libanus, Y Borth yr wythnos diwethaf, sef y capel sydd wedi’i droi’n sinema a bwyty arbennig.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd