Cyfrifwyr yn cael sac o wobrau’r Oscars

Diweddarwyd am  


Fydd y ddau gyfrifydd oedd yn gyfrifol am gamgymeriad mawr yng ngwobrau’r Oscars ddydd Sul, byth yn gweithio ar y seremoni eto.

Mae swyddogion yr Academi Ffilm wedi cadarnhau hefyd fod ei pherthynas â chwmni PriceWaterhouse Coopers yn y fantol, er bod y cwmni hwnnw wedi bod yn gyfrifol am warchod hygrededd y gwobrau ers 1936.

Fe ddigwyddodd y camgymeriad mwya’ yn hanes y gwobrau ffilm nos Sul ddiwetha’, pan gyhoeddwyd enw’r ffilm anghywir yn enillydd yr Oscar am ffilm orau.

Fe ddaeth hi i’r amlwg mai’r cyfrifwyr Brian Cullinan a Martha Ruiz oedd yn gyfrifol am yr amlenni, ac am eu rhoi i gyhoeddwyr y gwobrau, yn y seremoni. Ond roedd Brian Cullinan wedi cyhoeddi llun o’r actores, Emma Stone, ar ei gyfri’ Twitter ychydig funudau cyn rhoi’r amlen gyfrinachol yn cynnwys enw’r ffilm orau i’r cyflwynwyr Warren Beatty a Faye Dunaway.

Dyna arweiniodd at y pâr yn cyhoeddi mai La La Land oedd y ffilm orau, yn hytrach na’r enillydd go iawn, Moonlight.

Mae cwmni PriceWaterhouse Cooper yn dweud mai’r ffaith bod Brian Cullinan â’i feddwl ar bethau eraill, oedd yn gyfrifol am y camgymeriad.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd