Deiseb yn erbyn cau’r profiad Doctor Who yng Nghaerdydd

 


Profiad Doctor Who yng Nghaerdydd
Mae mwy na 10,000 wedi arwyddo deiseb ar-lein yn erbyn y penderfyniad i gau profiad rhyngweithiol y gyfres Doctor Who yng Nghaerdydd.

Symudodd y Doctor Who Experience (DWE) o Lundain i Gaerdydd yn 2012 a’r bwriad oedd ei gadw ar agor am bum mlynedd yn unig.

Ond mae cefnogwyr y gyfres boblogaidd wedi galw am gadw’r profiad rhyngweithiol sydd wedi’i leoli yn stiwdios Porth Teigr ar agor.

5 mlynedd

Mae’r ddeiseb wedi’i sefydlu gan Bex Ferriday, 46 oed, o ardal Sblot ac mae’n dweud fod y DWE yn dod ag ymwelwyr ac incwm i’r brifddinas o gofio fod y gyfres yn cael ei ffilmio yno.

Er hyn, dywedodd llefarydd ar ran Cyngor Dinas Caerdydd fod safle’r DWE yn eiddo i Lywodraeth Cymru a’r partner datblygu Igloo Regeneration.

“Cafodd ei roi ar les i gyngor y ddinas am bum mlynedd i sicrhau adleoli’r Doctor Who Experience o Olympia i Gaerdydd dros dro.

“Mae wastad wedi bod yn fwriad i’r safle gael ei ddatblygu fel rhan o brosiect adnewyddu parhaus Porth Teigr,” ychwanegodd y llefarydd.

“Mae’r penderfyniad i’w gau ar ddiwedd y les yr haf nesaf wedi’i gytuno gan y rhai sy’n rhan ohono, gan gynnwys gweithredwyr BBC Worldwide,” meddai wedyn.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd