Brwydr y Bandiau 2017: datgelu beth sydd angen i serennu

 

Ag ymgyrch Brwydr y Bandiau 2017 bellach wedi’i lawnsio, mae un o feirniad eleni wedi datgelu’r hyn sydd angen ar fand er mwyn serennu.

Bydd Lewis Wyn (prif leisydd Yr Eira) yn ymuno â Katie Hall (prif leisydd Chroma) a Steffan Dafydd (Breichiau Hir) wrth geisio dewis band buddugol Cymru eleni.

Iddo ef mae angen band sy’n ddelfrydol yn medru cynnig rhywbeth “hollol newydd” ond yn bennaf mae am weld band sydd “ddim yn ofni trio”.

“Yn amlwg rydym ni’n chwilio am rhywbeth sy’n wahanol – sy’n cynnig rhywbeth hollol newydd i’r sîn yma yng Nghymru,” meddai Lewis Wyn wrth golwg360.

“Ond, dw i ddim yn credu bod rhaid rhoi gormod o bwyslais ar yr elfen wahanol yma chwaith. Jest bod y bandiau yn medru dangos eu bod yn gallu creu cân, dangos potensial, dangos bod gennyn nhw hyder i fynd ar lwyfan, dangos bod nhw ddim yn ofn trio.

“Dw i’n meddwl mai dyna’r elfennau mwyaf pwysig i ddweud y gwir.”

Rowndiau

Gan ddilyn fformat brwydr y bandiau llynedd, bydd rowndiau cynderfynol yn cael eu cynnal ledled Cymru yn ystod y gwanwyn gyda’r rownd derfynol yn cael ei gynnal ar Awst 8.

Mae Lewis Wyn yn edrych ymlaen at y rowndiau, ac at gael cyfle i ddod i nabod ei gyd-feriniaid.

“Dw i’n edrych ymlaen [at y rowndiau] i ddweud y gwir,” meddai. “Ac at ddod i nabod Katie a Steff ychydig yn well. Dw i’n edrych ymlaen i weld sut fydd ein chwaeth cerddorol yn gwahaniaethu neu’n cymharu.

“Mae Katie a Steff yn cynrychioli’r ochr fwy trwm, ond mae’n dda bod gyda ni’r balans yna. Efallai dw i yn berson sy’n bach fwy poppy. Maen nhw’n dod a rhywbeth ychydig yn fwy amgen iddi.

“A dw i’n credu bod hi’n bwysig cael yr amrywiaeth yma mewn chwaeth gerddorol er mwyn gweld be yn union rydan ni isio o ran y bandiau.”

Manylion

Dyddiad cau ceisiadau i gymryd rhan yw Chwefror 16, ac mae modd anfon cais trwy wefan Maes B.

Bydd y band buddugol yn cael eu gwahodd i berfformio set ym Maes B, yn cyfle i berfformio sesiwn ar Radio Cymru ac yn cael eu ffilmio ar gyfer rhaglen Ochr 1.

Byddan nhw hefyd yn cael eu cynnwys yng nghylchgrawn Y Selar ac yn derbyn gwobr ariannol o £1,000.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Gwobrau BAFTA Cymru 2018