Murlun Roc yng Nghlwb Ifor Bach

Diweddarwyd am  


Mae Clwb Ifor Bach yng Nghaerdydd wedi dadorchuddio murlun newydd i ddathlu’r holl fandiau sydd wedi chwarae yno ers 1983.

Mae’r murlun yn cynnwys enwau nifer o fandiau sydd wedi chwarae yn y clwb – pawb o Ffa Coffi Pawb i Coldplay a Kasabian.

Ac yn ôl Prif Weithredwr Clwb Ifor Bach, Guto Brychan, daw fel symbol o bwysigrwydd cerddoriaeth byw i’r brifddinas.

“Mi’r oeddwn i wedi bod yn trafod gosod darn o waith celf yn y clwb ac yn amlwg gyda’r holl sylw ar stryd Womanby ar hyn o bryd roedd rhestru bandiau yn teimlo fel rhywbeth eithaf pwysig i’w wneud,” meddai wrth golwg360

“Mae hi’n bwysig fod pobol yn cael gweld arwydd gweledol o’r cyfraniad ry’ ni wedi neud dros y 30 blynedd ddiwethaf – i bobol cael gweld pa fandiau sydd wedi chwarae yma.”

Er bod y murlun yn cynnwys nifer o fandiau enwog ac adnabyddus o dramor sydd wedi chwarae yng Nghlwb Ifor Bach, mae’r clwb wedi sicrhau eu bod wedi cynnwys artistiaid lleol ac artistiaid Cymraeg hefyd.

Achub Stryd Womanby

Mae’r dadorchuddiad yn cyd daro â gorymdaith Save Womanby Street, sef ymgyrch i ddiogelu sin cerddoriaeth byw Stryd Womanby yn y brifddinas rhag cynlluniau adeiladu a chwynion sŵn.

Bydd gorymdaith yfory yn dechrau y tu allan i Glwb Ifor Bach am 4yh ac yn ymlwybro tuag at neuadd y ddinas lle fydd arweinwyr partïon lleol Plaid Cymru, y Democratiaid Rhyddfrydol a Llafur yn annerch y dorf.

“Y bwriad ydy cael anerchiad gan arweinwyr  y partïon gwleidyddol lleol sy’n sefyll yn etholiad y cyngor wythnos nesaf,” meddai Guto Brychan.

“Rydym yn mynd i ofyn iddyn nhw roi syniad o be maen nhw’n bwriadu gwneud yn dilyn yr etholiad i geisio sicrhau dyfodol, nid un unig i’r stryd, ond i gerddoriaeth byw yn y ddinas.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Gwobrau BAFTA Cymru 2018