Lleidr copi prin llyfr Harry Potter yn osgoi carchar

 

Mae llyfrwerthwr o’r Eidal, a ddwynodd copi prin o lyfr Harry Potter gwerth £1,675, wedi llwyddo i osgoi cyfnod mewn carchar.

Fe wnaeth Rudolf Schonegger, 55 oed, dwyn copi prin o Harry Potter and the Goblet of Fire, a oedd wedi cael ei arwyddo gan J K Rowling, o siop Hatchards yn Piccadilly, Llundain, ar nos Galan.

Roedd fideo CCTV yn ei ddangos yn cerdded o gwmpas y siop cyn cyfnewid llyfr arall am y copi prin tra oedd aelod o staff ddim yn edrych.

Yn ddiweddarach, fe gafodd gopi o Late Call gan Angus Wilson ei ddarganfod yn lle’r llyfr Harry Potter.

Fe gafodd Rudolf Schonegger ei ddyfarnu’n euog o ddau gyhuddiad o fod ym meddiant newydd wedi’u dwyn yn dilyn achos yn Llys Ynadon Hendon yr wythnos ddiwethaf.

Yn ystod y gwrandawiad, fe gafodd ei orchymyn i dalu £1,675 i Hatchards, ynghyd â £410 i Peter Ellis a Peter Harrington, a wnaeth prynu’r lyfr yn fuan wedi’r digwyddiad.

Fe wnaeth Rudolf Schonegger ddwyn llyfr arall ar yr un diwrnod hefyd, sef Jude The Obscure gan Thomas Hardy, a hynny o siop pop-yp yn Fortnum a Mason, sydd yn yr un stryd â Hatchards.

Llên

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd