“Mae Merched yn Wawr yn llawn o bobol wahanol”

Diweddarwyd  

Dod â Merched y Wawr a pherson trawsrywiol ynghyd mae nofel ddiweddaraf yr awdures o Aberystwyth, Dana Edwards.

Mae Am Newid yn dilyn hynt y cymeriad trawsrywiol, Ceri, sy’n penderfynu ymuno â’r gangen leol o Ferched y Wawr adeg dathlu hanner can mlwyddiant y mudiad y llynedd.

“Mae pobol fel Merched y Wawr yn gymdeithasau sy’n llawn o bobol sy’n wahanol i’w gilydd, felly roedd modd dod â chymeriadau gwahanol at ei gilydd,” meddai’r awdures wrth golwg360.

“Mi ro’n i eisiau rhoi Ceri mewn cyd-destun Cymreig, a does dim mwy Cymreig na Merched y Wawr.”

“Anodd ymdoddi”

Cafodd Dana Edwards ei hysgogi i sgrifennu’r nofel ar ôl cwrdd â merch drawsrywiol rhai blynyddoedd yn ôl, gan gydweithio â hi i drefnu cyngerdd codi arian i elusen.

“Mae’n anodd iddi ymdoddi – mae’n edrych yn wahanol i’r rhan fwyaf o fenywod,” meddai. “Ond yn hytrach nag encilio, mae hi wedi penderfynu nad dyna’r ffordd mae hi am fyw ei bywyd, ac mae hi allan yn gwneud gwahaniaeth i’w chymdeithas.”

Wrth gyflwyno sefyllfaoedd yn ei nofel lle mae pobol yn “cael eu cau mas” felly, mae Dana Edwards yn credu ei bod yn bwysig defnyddio “ychydig o hiwmor”, fel y mae darn o’r bennod isod yn dangos…

Fe gafodd y nofel ei lansio ddiwedd y llynedd ar stondin Merched y Wawr yn y Ffair Aeaf yn Llanelwedd.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Gwobrau BAFTA Cymru 2018