Barddoniaeth gyfoes yn ‘aflwyddiannus’

 


Simon Brooks
Er ei bod hi’n “oes aur” ar ryddiaith Gymraeg, dyw barddoniaeth Gymraeg ddim wedi llwyddo i adlewyrchu’r Gymru sydd ohoni ers y Cynulliad.

Dyna farn un o feirniaid cystadleuaeth Llyfr y Flwyddyn eleni, Simon Brooks, a oedd yn cymryd rhan mewn cynhadledd ar ‘Lenyddiaeth Ôl-Refferendwm’ gyda’r awdur Catrin Dafydd a Catrin Beard yn y gynhadledd yng Nghanolfan y Morlan, Aberystwyth.

“Beth sydd wedi digwydd yw bod rhyddiaith Cymraeg wedi ymateb i ddatganoli,” meddai wrth Golwg.

“Mae cnwd o lyfrau gwych wedi ymddangos. Dy’n nhw ddim yn trafod gwleidyddiaeth fel y cyfryw, ond maen nhw i gyd yn trafod sylwebaeth gymdeithasol mewn rhyw ffordd neu’i gilydd.

“Ond, fel maes yn ei gyfanrwydd, dydi hi ddim yn ymddangos bod barddoniaeth wedi bod yr un mor ffyniannus â rhyddiaith ers datganoli.

“Mae barddoniaeth yn ymwneud llawer mwy efo cynnig rhyw weledigaeth sydyn o ryw bwnc neu’i gilydd. Felly mae yn llai addas ar gyfer y math yna o drafodaeth estynedig. Tybed a ydi hynny yn ffactor, neu ai jyst mater o newid cenhedlaeth sydd yma?”

Darllenwch weddill yr erthygl yng nghylchgrawn Golwg, 21 Ebrill

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Gwobrau BAFTA Cymru 2018