Pennaeth Adran y Gymraeg Prifysgol Caerdydd yn ymddeol

Diweddarwyd  


Athro Sioned Davies
Mae’r Athro Sioned Davies wedi camu o’r neilltu ar ôl ugain mlynedd yn Bennaeth Adran y Gymraeg ym Mhrifysgol Caerdydd.

Hi oedd yr Athro benywaidd cyntaf ar yr adran.

O dan ei harweiniad, fe dyfodd yr adran i fod ymhlith yr adrannau mwyaf blaenllaw ym meysydd astudiaethau canoloesol, caffael iaith, polisi a chynllunio.

Yn 2007, cafodd hi gydnabyddiaeth am ei chyfieithiad o’r Mabinogi.

Yn dilyn y cyhoeddiad, dywedodd yr Athro Sioned Davies: “Mae arwain yr Ysgol dros yr holl flynyddoedd wedi bod yn fraint o’r mwyaf.

“Un o’r rhesymau pam i mi aros yn y swydd cyhyd oedd brwdfrydedd ac ymroddiad y staff – mae pob un yn barod i fynd yr ail filltir i helpu myfyrwyr a chefnogi ei gilydd.

“Rydw i’n gwybod y bydd yr Ysgol yn mynd o nerth ac edrychaf ymlaen, ar ôl treulio blwyddyn o waith ymchwil, at gyfrannu ymhellach at lwyddiant y Gymraeg ym Mhrifysgol Caerdydd.”

Gyrfa

Yn 2012, hi oedd cadeirydd tasglu oedd yn ymchwilio i ddysgu Cymraeg fel ail iaith yng Nghyfnod Allweddol 3 a 4, er mwyn ceisio codi safonau.

Yn deillio o hyn mae’r rhaglen Cymraeg i Bawb, sydd wedi rhoi’r cyfle i gannoedd o fyfyrwyr ddysgu Cymraeg yn y brifysgol, a’r Rhaglen Sabothol Genedlaethol i helpu darlithwyr i ddysgu trwy gyfrwng y Gymraeg.

Dr Dylan Foster Evans fydd Pennaeth newydd yr Adran, ac fe fydd yn dechrau yn y swydd ar Awst 1.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd