Cyhoeddi ysgoloriaethau Llenyddiaeth Cymru

 


Y Prifardd Christine James, un o'r rheiny sydd wedi derbyn ysgoloriaeth eleni
Mae Llenyddiaeth Cymru wedi datgan enwau’r ugain o awduron a fydd yn derbyn Ysgoloriaeth i Awduron eleni.

Bwriad yr ysgoloriaethau, gwerth cyfanswm o £70,000, fydd galluogi’r awduron i ganolbwyntio ar ysgrifennu creadigol penodol, neu alluogi ymchwil a theithio sy’n gysylltiedig â’r gwaith ar y gweill.

Ers 2004 mae Llenyddiaeth Cymru wedi dyfarnu dros £1miliwn ar gyfer Ysgoloriaethau i Awduron, gan alluogi 292 o awduron i ddatblygu eu gwaith mewn ystod o feysydd.

Yr awduron sy’n derbyn ysgoloriaethau ar gyfer eu gwaith yn y Gymraeg eleni yw Llion Jones, Aled Jones Williams, Christine James, Martin Davis a Sian Northey.

Barddoni am y bêl

Bydd Sian Northey yn mentro i dir newydd, ac yn canolbwyntio ar ysgrifennu nofel ar ffurf cyfres o gerddi, ar gyfer darllenwyr yn eu harddegau cynnar.

Mae’r Prifardd a’r trydarwr cynganeddol, Llion Jones ar y llaw arall am gyfuno rhai o’i brif ddiddordebau, sef barddoniaeth a phêl droed, wrth iddo ddilyn hynt a helynt tîm Cymru yng nghystadleuaeth Ewro 2016.

Bydd Ysgoloriaeth Awdur Cyhoeddedig yn caniatáu i’r Prifardd Christine James gymryd amser i ffwrdd o’i gwaith er mwyn canolbwyntio ar greu gwaith creadigol estynedig newydd, a bydd Aled Jones Williams yn ysgrifennu nofel newydd, yn dwyn y teitl Nostos.

Bwriad Martin Davis yw canolbwyntio ar gwblhau nofel gyfoes newydd wedi’i lleoli yn Amwythig a’r cyffiniau, sy’n ymdrin â themâu megis colled a hiraeth, a phrofi gobaith a hapusrwydd o’r newydd.

‘Gwledd o gynnwys newydd’

Ymhlith yr awduron sydd wedi derbyn ysgoloriaethau ar gyfer eu gwaith Saesneg mae Rebecca F. John, Natalie Holborow, Megan Hodson, Jonathan Edwards, a Tom Bullough.

“Mae meithrin talent lenyddol wrth wraidd cenhadaeth Llenyddiaeth Cymru ac mae’n fraint i mi fel arbenigwr yn llenyddiaeth Cymru fod wedi derbyn cais i helpu yn y dasg arbennig o werthfawr hon drwy gadeirio’r Panel Ysgoloriaethau,” meddai Katie Gramich, Cadeirydd Panel Ysgoloriaethau Llenyddiaeth Cymru.

Ychwanegodd Lleucu Siencyn, Prif Weithredwr Llenyddiaeth Cymru, eu bod yn “edrych ymlaen at wledd o ysgrifennu newydd o Gymru, gan leisiau newydd yn ogystal ag awduron sydd wedi ennill eu plwyf”.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd