Prifardd ac adroddwraig i hybu eisteddfodau bychain

 


Mei Mac a Dana Edwards
Meirion Macintyre Huws o Glynnog Fawr a Dana Edwards o Aberystwyth yw Swyddogion Datblygu newydd Cymdeithas Eisteddfodau Cymru. 

Dechreuodd y ddau ar ei swyddi, y naill gyda chyfrifoldeb am eisteddfodau lleol y Gogledd a’r llall am eisteddfodau lleol y De ar Fehefin 2.

Mae’r ddau yn hen gyfarwydd â steddfota mewn un ffordd neu’i gilydd. 

Mae’r Prifardd Mei Mac yn wyneb cyfarwydd ledled Cymru yn dilyn cipio Cadair yr Eisteddfod Genedlaethol yn 1993, fel aelod o dîm Y Tywysogion, Talwrn y Beirdd, Bardd Plant Cymru 2001-2, arweinydd aml i Sgwad Sgwennu ac fel bardd sydd a galw mawr amdano i arwain gweithdai mewn ysgolion.

Ym myd eisteddfodau lleol y mae diddordeb Dana. Un o’i hatgofion cynharaf yw bod ar lwyfan Eisteddfod Pencader, pentref yng ngogledd Sir Gâr lle’i magwyd hi. Ers hynny mae wedi cystadlu’n gyson fel aelod o amryw gorau a grwpiau llefaru. Yn ddiweddar bu’n gwneud ychydig o feirniadu mewn eisteddfodau bach gan gael y cyfle i brofi eisteddfodau o ogwydd go wahanol.

Cyfnod anodd

Mae hwn yn gyfnod cyffrous i Gymdeithas Eisteddfodau Cymru fel y dywed y Cadeirydd, Megan Jones:

“Ar ôl cyfnod o fethu cyflogi swyddogion i hybu gwaith y gymdeithas rydym yn ofnadwy o falch o sicrhau arian gan Lywodraeth Cymru a fydd yn ein galluogi i roi mwy o gefnogaeth i eisteddfodau lleol.

“Mae’n gyfnod heriol – mae angen denu mwy o gystadleuwyr, mwy o gynulleidfaoedd a mwy o’r cyhoedd i weithio ar y pwyllgorau sy’n trefnu’r 120 o eisteddfodau bach a gynhelir drwy Gymru.  Ein gobaith hefyd yw gweld eisteddfodau newydd yn codi ac yn ffynnu.”

Eisteddfodau

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Gwobrau BAFTA Cymru 2018