Bardd Plant 2011 yn cael blwyddyn arall yn y swydd

Diweddarwyd am  


Fydd yna ddim seremoni i benodi Bardd Plant newydd yn Eryri eleni – a hynny am fod y Bardd Plant a benodwyd y llynedd wedi cael y gwaith am ddwy flynedd.

Ond fe fydd perfformiad o gerdd a gafodd ei chreu ar y cyd gan Eurig Salisbury a phlant Ysgol y Gorlan, Tremadog ac Ysgol Pentreuchaf ger Pwllheli, ar lwyfan y Pafiliwn ar ddiwedd cystadlu’r pnawn heddiw.

“Mi adroddes i chwedl Taliesin gyda’r plant,” meddai Eurig, sy’n dod o Langynog ger Caerfyrddin ond yn byw yn Aberystwyth erbyn hyn.

“Wnes i eu hannog nhw i greu eu cerddi eu hunain ar y testun ‘Rysait Ceridwen’ – hynny yw, yr holl bethe afiach a hyfryd y gallai hi fod wedi’u rhoi yn y pair i wneud yr hud.

“Mi anfonodd y plant y cerddi ata’ i, ac mi es i ati i lunio cerdd newydd sbon yn seiliedig are u syniadau nhw. Hon fydd y gerdd fyddwn ni’n ei darllen ar y llwyfan – dim byd rhy anodd, jyst eu bod nhw’n cael rhywfaint o hwyl.”

Bardd Plant prysur

Mae Eurig Salisbury wedi cael blwyddyn gynta’ brysur yn y swydd, ers cymryd yr awenau gan Dewi Pws yn Eisteddfod yr Urdd Abertawe y llynedd.

“Dw i erioed wedi bod mor brysur! Nac mor hapus, mewn gwirionedd,” meddai. “Mae teithio’r wlad fach enfawr hon wedi bod yn brofiad bythgofiadwy, a’r peth gorau yw fod blwyddyn arall i ddod.

“Dw i’n edrych ymlaen i drio rhai pethau newydd gyda’r plant – fel cyflwyno’r gynghanedd, a sôn am farddoniaeth wych yr Oesoedd Canol gyda chymorth fideo rhyngweithiol newydd sbon.”

Eisteddfodau

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Gwobrau BAFTA Cymru 2018