“Anrhydedd annisgwyl” gwisg werdd Ned Thomas

Diweddarwyd am  
Ned Thomas

Ned Thomas

Llun: Parêd Gwyl Dewi Aberystwyth

Newyddion “annisgwyl” oedd cael y llythyr yn ei hysbysebu ei fod wedi’i dderbyn i gael Gwisg Werdd yn yr Orsedd, meddai’r academydd o Aberystwyth, Ned Thomas.

Fel rhywun sydd ddim “yng nghanol pethau eisteddfodol”, dywed nad oedd erioed wedi croesi ei feddwl y byddai’n cael y gwahoddiad.

Ond mae’n falch iawn o dderbyn ac yn dweud ei fod “mewn cwmni da” eleni, wrth gyfeirio at y rhestr hirfaith o bobol eraill fydd yn cael eu hurddo ym Mhrifwyl Caerdydd ym mis Awst.

Mae’r beirniad llenyddol, yr ieithydd a’r golygydd, oedd yn un o’r rhai a geisiodd sefydlu papur newydd dyddiol Y Byd, yn cael ei gydnabod fel un o brif ddeallusion Cymru a’r Gymraeg.

“Roedd o’n reit annisgwyl pan ges i lythyr gan yr Orsedd, roeddwn i rywsut erioed wedi meddwl am y peth,” meddai wrth golwg360.

“Mae rhywun yn tueddu meddwl bod pethau eisteddfodol efallai yn fyd… dw i ddim yng nghanol pethau eisteddfodol.

“Pan chi’n gweld y rhestr, chi’n gweld bod o’n adlewyrchu ystod o fywyd y genedl i ddweud y gwir.

“Efo anrhydeddau dw i’n tueddu meddwl bod chi’n eu gwerthuso nhw yn ôl pwy sy’n rhoi nhw ac mae’r Eisteddfod yn gorff mae rhywun yn falch iawn o dderbyn eu sêl bendith nhw mewn ffordd.

“A’r peth arall yw ym mha gwmni ydych i, dw i ddim yn ‘nabod pawb o’r rhestr ond dw i’n teimlo fy mod mewn cwmni da iawn a bod hynny’n anrhydedd hefyd.”

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd