RSS

Golwg360

MwyCau 

“Mae Cymru’n rhoi croeso i bawb” meddai canwr a wafflwr

Awst 28, 2017 09:47 Diweddarwyd Awst 29, 2017 20:41


Kees Huysmans yn cael y wisg wen eleni
Mae canwr a gwr busnes a ddaeth i fyw i Geredigion 30 mlynedd yn ôl, wedi diolch i Gymru am roi croeso a chyfle i bawb.

Pan ddaeth Kees Huysmans i ffermio i ardal Tregroes yn yr 1980au, doedd o ddim yn gwybod fod ganddo lais canu.

Ond, wrth iddo fynd ati i ddysgu Cymraeg ac ymuno â chôr meibion, fe ddechreuodd ar daith a welodd y baswr yn ennill y Rhuban Glas yn Eisteddfod Genedlaethol Y Fenni yn 2016.

A neithiwr (nos Sul, Awst 27) roedd yr Iseldirwr yn llywyddu noson Llais Llwyfan, Eisteddfod Llanbedr Pont Steffan – cystadleuaeth arbennig ar gyfer cantorion dan 25 oed.

“Doeddwn i ddim yn gwybod fy mod i’n gallu canu pan ddes i i Gymru dros 30 mlynedd yn ôl,” meddai. “Ond fe ddes i i ddeall fod gen i lais.

“A dyna pam wy’n diolch am y croeso ges i, achos mae Cymru yn rhoi croeso i bawb… ac mae hynny’n beth da.

“Mae cantorion di-Gymraeg yn gallu cystadlu am y gwobrau mawr yma heno yn Llanbed, dim ond iddyn nhw ddewis un gân Gymraeg i’w chanu – ac mae hynny’n iawn.

“Mae’r ardal hon, ac mae Cymru, wedi rhoi croeso i mi, a dyna pam dw i’n teimlo fy mod i adre’.”

Fe ddechreuodd Kees Huysmans gynhyrchu waffls er mwyn gwneud ychydig o arian ychwanegol. Bellach, mae ei gwmni, Waffls Tregroes, yn enwog ledled y byd ac yn cynhyrchu 4,000 o waffls bob awr.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.