“Angen adfywiad yn y stori fer” meddai Prif Lenor Môn

Diweddarwyd am  


Mae awdures cyfrol fuddugol y Fedal Ryddiaith eleni wedi dweud fod angen “adfywiad” yn ffurf y stori fer Gymraeg.

Ddechrau’r mis, Sonia Edwards o Langefni enillodd y gystadleuaeth am yr eildro. Hi ddaeth i’r brig ddeunaw mlynedd yn ôl hefyd, yn Eisteddfod Genedlaethol Ynys Môn 1999.

Ac er ei bod wedi cyhoeddi sawl nofel, mae’n gweld gwerth yn ffurf y stori fer.

“Mae yna le iddi heddiw, yn enwedig a ninnau’n byw bywydau mor brysur,” meddai’r Prif Lenor Sonia Edwards wrth golwg360.

“Weithiau mae angen ailddarllen pennod o nofel ar ôl ei rhoi i lawr, ond mae stori fer yn rhywbeth cyfan sy’n medru aros efo chi.

Dal i ddysgu

Mae cystadlu mewn cystadlaethau llenyddol yn bwysig, meddai, oherwydd “waeth pa mor brofiadol ydan ni fel awduron, yn fy marn i, rydan ni’n dal i ddysgu efo pob cyfrol”.

Y cymeriadau sy’n dod gyntaf iddi hi wrth ysgrifennu, meddai wedyn, “ac mae’r rheiny yn bwysicach na’r plot mewn un ystyr… Unwaith mae’r cymeriad yn fyw yn eich dwylo, mae’r stori fel petai’n sgwennu ei hun.”

Mae chwe stori yn ei chyfrol fuddugol, a dyma glip o’r awdures yn darllen darn o’r stori deitl, ‘Rhannu Ambarél’.

Ar y gweill…

Yn ystod y seremoni ym Môn ddechrau Awst, roedd yr Archdderwydd Geraint Llifon o dan deimlad wrth ei gwobrwyo.

“Dw i’n meddwl mai’r rheswm am hynny oedd y cysylltiad rhyngom. Mi ddechreuais i ysgrifennu a chyhoeddi efo Gwasg Gwynedd efo’i frawd, Gerallt Lloyd Owen. Ac erbyn hyn dw i wedi dod yn ôl i gyhoeddi efo Gwasg Y Bwthyn lle mae Geraint yn gyfarwyddwr,” meddai.

Mae nofel i’r arddegau; dilyniant i Mynd adre’n droednoeth; ynghyd â nofel arall i oedolion ar y gweill ganddi.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd