Bangor ar y brig yn yr Eisteddfod Ryng-gol

Diweddarwyd  


Criw Bangor yn dathlu ennill yr Eisteddfod Ryng-gol
Myfyrwyr Prifysgol Bangor hawliodd y nifer mwyaf o bwyntiau yn yr Eisteddfod Ryng-golegol y penwythnos hwn a hynny ar garreg eu drws ym Mangor.

Aberystwyth ddaeth yn ail, ond stori fawr y penwythnos oedd camp aelodau Cymdeithas Gymraeg Lerpwl wrth iddyn nhw gipio’r trydydd safle ar derfyn dydd wrth gystadlu yn yr Eisteddfod am y tro cyntaf.

Aeth y gadair i fyfyriwr Cymraeg Proffesiynol yn Adran y Gymraeg Aberystwyth, sef Carwyn Eckley sy’n wreiddiol o Ddyffryn Nantlle.

Esboniodd iddo ysgrifennu cerdd ar y testun ‘Yr Arwr’ fel teyrnged i Donald Henderson, y gwyddonydd fu’n gyfrifol am waredu’r frech wen.

Canlyniadau eraill…

Luned Bedwyr o Brifysgol Caerdydd gipiodd y Fedal Gelf ac Alistair Mahoney o Brifysgol Bangor gipiodd Tlws y Cerddor.

Aeth y Fedal Ddrama i Nia Haf; y Goron i Non Mererid Jones a Medal y Dysgwyr i Megan Elias – y tair yn astudio Cymraeg ym Mangor.

Daeth yr eisteddfod i fwcl gyda gig yn Pontio gyda’r Eira, Chwalfa, Band Pres Llareggub a Candelas.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd