Consuriwr mewn cegin – canwr Yr Ods yn achub ar y cyfle i berffeithio triciau taflu tost

Diweddarwyd am  

Mae canwr band indi-roc Yr Ods wedi bod yn manteisio ar ei amser yn hunan-ynysu i berffeithio ei driciau taflu tost a bagiau te.

Ac mae Griff Lynch wedi bod yn rhannu fidoes o’i ddoniau consurio ceginol ar ei ffrwd Trydar.

“Trio ffeindio rhywbeth i beidio gwneud gwaith oeddwn i,” eglura’r cerddor.

“Mae’r afiechyd yma’n rhoi rhesymau i bobl wneud pethau fasa nhw ddim yn eu gwneud fel arfer, fatha taflu tea bags i mewn i fygs.” 

Ac yn ôl Griff Lynch mae o’n llwyddo i hitio’r targed “first time” pob tro, er bod rhai wedi awgrymu ei fod yn ffilmio sawl take cyn cael y bag te i’w le.

Ond mae’r cerddor yn credu bod “gwneud rhywbeth gwirion” yn gallu codi pwysau oddi ar ysgwyddau pobl mewn cyfnod mor ansicr. 

“Mae’n hanfodol cael laff, yn enwedig i bobol greadigol sy’n teimlo bo’ nhw dan bwysau i wneud rhywbeth.

“Does yna ddim pwysau, mae pawb angen chilio, neu wneud rhywbeth gwirion. Does yna neb yn gweithio’n dda o dan bwysau.”

Gary Wyn yn cwyno am y chwyn 

Un dyn sydd ddim yn dotio at driciau taflu tost Griff Lynch yw ei dad, Gary Wyn.

Bu’r hanesydd a’r dyn busnes yn dwrdio mewn neges drydar gan holi pam bod ei fab yn anwybyddu’r chwyn y tu allan i ffenestr ei gegin yng Nghaerdydd.

Ond yn ôl Griff Lynch mae o “wedi gwneud y chwynnu a dydi dad ddim ond yn jealous mod i’n cael gymaint o likes ar Trydar.” 

Dyma’r dyn wrth ei waith…

 

 

 

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn