Cymanfaoedd i ddathlu bywyd Merêd yr arwr canu gwerin

Diweddarwyd am  

Meredydd Evans

Llun: Coleg Cymraeg Cenedlaethol

Byddai Merêd yn “troi yn ei fedd” o wybod bod ei fywyd yn cael ei ddathlu trwy gyfres o gymanfaoedd gwerin.

Treuliodd Meredydd Evans ei fywyd yn casglu a pherfformio caneuon gwerin Cymraeg, a pe bai’n dal yn fyw mi fyddai’n dathlu ei ben-blwydd yn 100 fis nesaf.

Ac i ddathlu hynny mae elusen a gafodd ei sefydlu ganddo, Ymddiriedolaeth William Salisbury, wedi bwrw ati i drefnu ‘Meredydd Evans yn 100: Cymanfaoedd Gwerin (Cymanfaoedd Codi’r To)’.

Mae deuddeg o nosweithiau wedi eu trefnu i gyd, ac fe gafodd y gyntaf ei chynnal ym Mhwllheli, ac mi fydd yr olaf yn cael ei chynnal yn Llanegryn ar Ragfyr 9 – dyddiad pen-blwydd Meredydd Evans.

Yn ôl Trysorydd yr ymddiriedolaeth, Rocet Arwel Jones, byddai’r digwyddiad yn gwneud Merêd yn anghyffyrddus – ond byddai’n ei hoffi go-iawn.

“Dw i’n meddwl y bydda fo’n troi yn ei fedd yn meddwl bod pobol yn dathlu ei fywyd o fel hyn,” meddai wrth golwg360.

“Ond mi fydda fo’n dawel bach yn hapus iawn bod pobol yn cael hwyl, yn canu, yn treulio eu hamser yn mwynhau caneuon gwerin…

“Mae’n ffordd dda o dynnu tri pheth at ei gilydd – nodi ei ben-blwydd o, dathlu canu gwerin fel yr oedd o’n ei fwynhau, a chodi arian at elusen roedd o ei hun wedi ei sefydlu.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn