Siâp tirwedd Glannau Conwy yn llestri artist Crefft

 

Llun: CC0

Crochenwaith garw wedi’i ysbrydoli gan aber afon Conwy a’r traethau cyfagos sydd wedi ennill Y Fedal Aur am Grefft a Dylunio i artist lleol.

Yn Eisteddfod Genedlaethol Sir Conwy 2019  anrhydeddwyd  Bev Bell-Hughes, crochenydd o Gyffordd Llandudno, gyda’r Fedal Aur am Grefft a Dylunio. Yn ogystal, dyfarnwyd y wobr ariannol lawn o £5,000 iddi.

Nid yw Bev Bell-Hughes yn ddieithr i’r Eisteddfod – dros y blynyddoed mae hi wedi arddangos ei gwaith yn Y Lle Celf droeon. Ac yn dilyn y dyfalbarhad dyma hi’n cipio’r fedal a hynny yn ei sir ei hunan.

Natur ddiamser ei gwaith apeliodd at y detholwyr Manon Awst, Bruce Haines aTeleri Lloyd Jones

Meddai’r arbenigwraig ar grefft a dylunio, Teleri Lloyd-Jones:

“Er mai ystrydeb yw sôn am y cyswllt rhwng clai a’r ddaear, mae gwerth ei hailadrodd yn y cyd-destun hwn,” meddai.

“Mae’r arwynebau’n anodd, yn greigiog a thyllog. Mae pob darn yn benderfynol o haniaethol, ac eto’n sibrwd ffurfiau a gweadau sy’n gyfarwydd i ni.

“Nid dynwared ydi hyn. Nid ail-becynnu natur er ein boddhad a wna’r darnau.”

Wrth gerdded ac archwilio traethau Deganwy a Morfa mae Bev Bell-Hughes yn gweld marciau’r llanw a’r trai ar y tywod, y gwymon a’r cregyn ac erydiad y creigiau.

Rhywdro nes ymlaen, fe ddaw ffurf gwaith newydd wrth weithio’n uniongyrchol â’r clai, yn gwasgu, pinsio ac ychwanegu deunyddiau eraill nes bod tyllau a chafnau’n ymddangos. Mae’r gwaith gorffenedig yn dal ac yn crynhoi hanfod elfennol y tirlun arfordirol.

Mae Bev Bell-Hughes yn Gadeirydd ar Gymdeithas Crochenwyr Gogledd Cymru; yn Ymddiriedolwr Celfyddydau Anabledd Cymru,/ac yn aelod Urdd Gwneuthurwyr Cymru.

Celf Weledol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn