Gweithiau creadigol yn ymateb i fanc bwyd Blaenau Ffestiniog

Diweddarwyd am  
Sian Northey yn un o'i gweithdai creadigol

Sian Northey yn un o’i gweithdai creadigol

Llun trwy law Y Dref Werdd

Mae bardd ac artist o Wynedd wedi bod yn cydweithio â banc bwyd lleol er mwyn creu arddangosfa o weithiau creadigol.

Drwy gydol mis Mehefin, bu’r bardd a’r awdur, Sian Northey, yn fardd preswyl ym manc bwyd Blaenau Ffestiniog, sy’n cael ei gynnal yn Neuadd yr Eglwys.

Yn ystod y cyfnod hwnnw, bu’n gwirfoddoli yn y banc bwyd, gan ysgrifennu am ei phrofiad yno a chynnal sesiynau gyda disgyblion Ysgol y Moelwyn, Ysgol Mannod ac Ysgol Bro Hedd Wyn.

Bu’r disgyblion wedyn yn cydweithio â’r artist o Lanuwchllyn, Mari Gwent, gan baratoi gwaith sy’n ymgorffori’r cerddi.

Mae’r gwaith hwn bellach ar gael i’w weld yn Llyfrgell Blaenau Ffestiniog o’r wythnos hon ymlaen tan ddechrau mis Medi.

Mae’r prosiect wedi’i ariannu gan Gorfforaeth Bedyddwyr Dinbych, Fflint a Meirion, a’i drefnu gan fenter gymunedol Y Dref Werdd.

“Gwneud rhywbeth cadarnhaol a chreadigol”

“Mae hyn yn gyfle i wneud rhywbeth cadarnhaol a chreadigol o sefyllfa ddigon digalon,” meddai Tecwyn Ifan ar ran y Bedyddwyr.

“Mae hefyd yn weithgarwch sy’n dilyn dysgeidiaeth Iesu Grist i ymateb mewn ysbryd o gariad tuag at bobol yn eu hangen a’u helbulon…

“Ry’n ni fel Bedyddwyr yn ddiolchgar am gydweithrediad cynllun Y Dref Werdd yn Blaenau i drefnu gweithdai creadigol yn yr ysgolion lleol dan arweiniad Sian Northey.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd