Artist yn chwilio am ‘Ceredig ac Eleanor’ traeth Aberffraw

Diweddarwyd  


Tegwyn Francis Jones gyda'r darlun a ysbrydolwyd gan gariadon Cymraeg
Mae artist yn chwilio am ddau gariad sydd wedi ysbrydoli prif ddarn celf arddangosfa o’i waith.

Fe gafodd Tegwyn Francis Jones o bentref Bodedern ym Mon ei ysbrydoli i greu paentiad mawr o draeth Aberffraw, gan ddau gariad a welodd yn cerdded y tywod yn gynharach eleni.

Roedd y cyn-athro, sy’n creu cerfluniau a phrintiadau yn ogystal a phaentiadau, wedi bod yn gwylio’r cwpwl o bell, a’u gweld yn ysgrifennu rhywbeth yn y tywod. Wedi iddyn nhw gerdded ymaith, fe aeth Tegwyn Jones yno, a chodi’i galon o weld mai yn Gymraeg yr oedden nhw wedi mynegi eu serch tuag at ei gilydd.

“Be’ welais i oedd y geiriau ‘Ceredig caru Eleanor’, ac ro’n i mor falch mai’r gair Cymraeg, ‘caru’ oedd yn y galon,” meddai’r artist wrth golwg360.

Fe fydd arddangosfa Tegwyn Francis Jones ar y cyd a Luned Rhys Parri yn agod yn Oriel Mon, Llangefni ddydd Sadwrn nesaf (Gorffennaf 29) – ac fe fyddai’r paentiwr yn hoffi dod o hyd i Ceredig ac i Eleanor cyn hynny.

Mae ei waith yn seiliedig ar y thema ‘olion’ – a hynny’n amrywio o’r hyn y mae dyn yn ei adael ar ei ol; i olion yr iaith; a sut y mae gwarchod, amddiffyn ac aberthu tros ein diwylliant, yn yr un ffordd ag yr oedd yr hen Geltiaid yn ei gredu.

A ydych chi’n nabod Ceredig ac Eleanor? Os ydych chi, gadewch i ni wybod trwy adael sylw dan y stori hon.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd