Cydnabyddiaeth i bodlediadau Cymraeg am ryw, dwyieithrwydd a bywyd bob dydd

Diweddarwyd am  

Lisa Angharad

Llun: Lisa Angharad

Mae podlediadau am ddwyieithrwydd a rhyw yn ymuno â’r podlediad hynaf yn y Gymraeg ar restr fer y wobr iaith Gymraeg yng Ngwobrau Podlediadau Prydain.

Prosiect y digrifwr Elis James yw Dwy Iaith, Un Ymennydd, sy’n archwilio’r ffordd mae iaith yn allwedd i ddiwylliant, i ffordd arall o weld y byd ac i bersonoliaethau gwahanol.

Mae’r podlediad wedi’i gynhyrchu gan gwmni Alpha ar gyfer BBC Cymru.

Un arall o bodlediadau BBC Sounds yw Siarad Secs, sef podlediad Lisa Angharad sydd wedi’i gynhyrchu gan Astud.

Mae’n cael ei ddisgrifio fel podlediad lle mae “siarad am ryw a rhywioldeb mewn ffordd agored a gonest”, gan ddefnyddio’r slogan “popeth yn Gymraeg”.

Prosiect Bryn Salisbury, Iestyn Lloyd a Sioned Mills yw Yr Haclediad, a hwnnw’n cael ei ddisgrifio fel “tri ffrind yn rhannu diod a thrafod technoleg, teli, ffilm a phopeth arall unwaith y mis”, ac fel “podlediad hyna’r Gymraeg”.

Mae’r gwobrau hefyd yn cydnabod podlediadau yn y celfyddydau, y brand gorau, podlediadau busnes, comedi, materion cyfoes, podlediadau dyddiol, podlediadau i’r teulu, ffuglen, cyfweliadau, digwyddiad y flwyddyn, y podlediad mwyaf clyfar, podlediadau radio, podlediadau byw, y cynnyrch gorau, podlediadau ffordd o fyw a lles, podlediadau newydd sbon, podlediadau chwaraeon, adloniant, rhyw a pherthnasau, podlediadau trosedd a chreadigrwydd.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn