Cadeirydd canolfan y Barbican yn ymddiheuro am “sarhau” y Gymraeg

Diweddarwyd am  

Neges Giles Robert Evelyn Shilson

Llun: Golwg360

Mae cadeirydd canolfan berfformio fwya’ Ewrop wedi ymddiheuro am anfon “neges Twitter ddi-feddwl” yn gwawdio’r iaith Gymraeg.

Fe bostiodd Dr Giles Robert Evelyn Shilson, cadeirydd Canolfan y Barbican yn Llundain, lun o fwrdd gwybodaeth gorsaf drenau, gydag enwau lleoedd arno yn Gymraeg. Ynghyd â’r llun roedd y neges, “Mae’n rhaid mai profiad tebyg i hyn yw dyslecsia.”

Bu iddo ennyn ymateb chwyrn ar y wefan, gydag Elin Jones, Llywydd Cynulliad Cenedlaethol Cymru, yn galw’r neges yn un “anwybodus”, a Leanne Wood, arweinydd Plaid Cymru, yn galw am ymddiheuriad.

Mae Giles Robert Evelyn Shilson bellach wedi ymddiheuro, gan fynnu nad oedd yn trio sarhau.

“Hoffwn ymddiheuro,” meddai. “Mi anfonais neges Twitter ddi-feddwl dros ben, ac mi wnes i frifo teimladau llawer ohonoch.

“Dw i mor sori – doeddwn i ddim wedi bwriadu sarhau, a dylwn fod sylweddoli bod y neges yn sarhad. Dw i wir yn ymddiheuro.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd