“Mae angen cymryd newyddion lleol o ddifri” medde Morgan – gohebydd newydd Bro360

Diweddarwyd  

Penodi Pwy?

 

Morgan Owen – brodor o Ferthyr Tudful sydd bellach yn byw yn Aberystwyth – yw aelod diweddaraf tîm Bro360.

Mae gwefannau newyddion lleol Dyffryn Nantlle, Dyffryn Ogwen a Bro Aber ar fin mynd yn fyw, a byddant yn blatfform i bobl y bröydd rannu eu straeon am yr hyn sy’n bwysig iddyn nhw.

Ochr yn ochr â straeon gan y gymdogaeth leol rôl Morgan Owen, fel Gohebydd y prosiect, fydd cyfrannu rhai straeon newyddion ‘caled’ i’r gwefannau a rhoi gwedd leol iawn ar straeon cenedlaethol perthnasol.

Mae’r cyn-gyfieithydd llawrydd a’r bardd yn edrych ymlaen at yr her newydd o weithio ar brosiect sy’n ceisio gwneud gwahaniaeth i’n cymdogaethau. “Roeddwn am wneud swydd sydd â diben cymdeithasol, ac sy’n wahanol bob dydd!” medd Morgan Owen.

“Mae’r cyfryngau digidol yn gallu grymuso cymunedau llai. Maent yn galluogi newyddiaduraeth ddwyffordd, am fod pobl nad ydynt yn “newyddiadurwyr” yn gallu cyfrannu a chyhoeddi deunydd. Mae’n cynnig cyfle gwych i gydbwyso’r dafol, a rhoi llais i ymylon y cyfyngau ‘canolog’.”

Mae’n gweld bwlch ar hyn o bryd am blatfform i newyddion lleol iawn – bwlch y gall gwefannau Bro360 ei lenwi. “Mae angen cymryd newyddion lleol o ddifri, yn enwedig yn yr oes gythryblus sydd ohoni; mae angen mwy o uchelgais a dadansoddi, yn ogystal â’r pethau ysgafnach.”

Ei obaith yw y bydd gwefannau lleol 360 yn ysgogi pobol i feddwl yn feirniadol am yr hyn sy’n digwydd o’u cwmpas, a “dangos iddynt fod modd iddyn nhw gyfrannu at y drafodaeth gyhoeddus mewn modd gweithredol”.

Cafodd y swydd hon ei hysbysebu yn Golwg ac ar golwg360.

Penodiadau

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd