“Mae Ysgol Bro Dinefwr yn ysgol dda ond gallai fod yn ysgol wych.”

 

Penodi Pwy?

Ar ôl gwyliau’r Pasg bydd Ysgol Bro Dinefwr yn croesawu pennaeth newydd, ac mae Ionwen Spowage yn edrych ymlaen at siapio dyfodol addysg yn ei chymuned leol.

Yn wreiddiol o Langadog, symudodd Ionwen Spowage i bentref bach Cynghordy ger Llanymddyfri pan oedd yn chwech oed. Mae bellach yn byw gyda’i gŵr a’i meibion ychydig filltiroedd o gartref ei theulu, a neidiodd ar y cyfle i ymgeisio am swydd Pennaeth yr ysgol yn Nyffryn Tywi.

Wrth geisio troi Ysgol Bro Dinefwr i fod yn “ysgol wych”, nid yw am ganolbwyntio ar gyrraedd y safonau academaidd uchaf yn unig – mae datblygu doniau unigol unigryw’r disgyblion i’w llawn botensial hefyd yn allweddol. Mae am weld y disgyblion yn datblygu’n “ddinasyddion hyderus, creadigol ac uchelgeisiol”, ac er y bydd yn treulio tipyn o amser yn cynllunio ac yn datblygu cyfeiriad strategol yr ysgol, ei hoff ran o’r dydd yw sgwrsio â’r disgyblion a’r staff – yn y dosbarth ac ar yr iard.

Gyrfa amrywiol

Nid yw trywydd gyrfa Ionwen Spowage tuag at addysgu wedi bod yn un arferol! Ar ôl graddio, bu’n gweithio gyda chwmni Laura Ashley yng Ngharno. Ar ôl cyfnodau yn gweithio i gwmnïau ffasiwn yn Mhen-y-bont ar Ogwr a Llundain, penderfynodd wneud tro pedol a newid trywydd. Ar ôl astudio cwrs TAR a dechrau dysgu yng ngogledd Llundain, daeth adref i Gymru i ddysgu Technoleg Dylunio yn Ysgol Gyfun Caerllion. Datblygodd yn Bennaeth cyn cymryd at y swydd o redeg a sefydlu Ysgol Calon Cymru, sef ysgol dau gampws yn Llanfair-ym-Muallt a Llandrindod.

Dylanwad

Mae’n cyfaddef mai’r dylanwad mwyaf ar ei bywyd oedd genedigaeth ei mab ieuengaf sydd â syndrom Down. “Mae bod yn fam i Gwilym wedi fy ngwneud yn angerddol am gynhwysiant a darparu cyfleoedd go iawn i bawb gael eu gwerthfawrogi ac i chwarae rhan yn eu cymuned” medd Ionwen Spowage. Pob hwyl iddi yn ei swydd newydd.

Cafodd y swydd hon ei hysbysebu ar golwg360.

Penodiadau

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd