Jest y Job i Ysgogydd newydd Bro360

Diweddarwyd  

Galluogi a chymell pobol i greu a rhannu eu straeon lleol. Dyna nod Daniel Steffan Johnson, sydd wedi treulio’r ychydig ddiwrnodau diwethaf yn setlo mewn i’w swydd fel Ysgogydd prosiect arloesol Bro360. Ond pwy yw Daniel?

Shw’mae Daniel! Rho ychydig o dy hanes i ni.

Dwi’n 25 oed ac yn dod yn wreiddiol o bentref Penegoes ger Machynlleth. Astudiais Astudiaethau’r Cyfryngau ym Mhrifysgol Bangor, ac ers dechrau Chwefror dwi wedi dechrau fel Ysgogydd prosiect Bro360 ar gyfer ardal gogledd Ceredigion.

Beth fues ti’n ei wneud cyn y swydd hon?

Gweithio fel Cynorthwy-ydd Marchnata y Cyfryngau Traddodiadol i Brifysgol Aberystwyth.

Felly rwyt ti’n parhau i weithio yn Aberystwyth?

Ydw a nac ydw – mae ardal Bro360 yn ymestyn ar draws gogledd y sir i gyd – o Lanrhystud reit i fyny i Dre’r Ddôl a draw i Dregaron – a phob man yn y canol! Felly bydda i’n ymweld â’r ardaloedd yma i gyd yn rhan o’r swydd er mwyn annog pobol i greu eu gwefannau bro lleol eu hunain.

Sut wyt ti’n treulio dy amser y tu allan i’r gwaith?

Dwi’n mwynhau gwylio pêl-droed a chriced, ac yn aml yn mynd i wylio gemau byw. Os nad oes gemau byw, dwi’n hoffi gwylio’r teledu, darllen neu wrando ar gerddoriaeth.

Sut wyt ti’n hoffi dy baned?

Te plîs! Gyda dau siwgr a llaeth mewn mwg ‘Independent Football Nation’ gan gwmni Spirit of 58.

Hoff dîm chwaraeon:

Clwb Pêl-droed Birmingham City – dwi’n ffan mawr!

Beth yw’r ŵyl orau i ti fynd iddi?

Gŵyl Rhif 6 ym Mhortmeirion, pan ddaru Noel Gallagher a’r Super Furry Animals chwarae.

Pwy yw dy hoff gomedïwr?

John Robins.

Beth yw dy hoff ddiod feddwol?

Dwbwl fodca efo lemon a leim.

Pa air wyt ti’n ei ddefnyddio’n rhy aml?

Arglwydd!

Pa wahaniaeth hoffet ti ei wneud yn dy swydd?

Datblygu rhwydwaith o wefannau lleol i newid hinsawdd newyddion Cymru.

Pam ddylai pobl gogledd Ceredigion gymryd rhan yn Bro360?

Mae’n gyfle gwirioneddol i fod yn rhan o brosiect newydd cyffrous, ac mae croeso i bawb. Gyda’n gilydd, gallwn ni greu cymdeithas sy’n hyderus i greu a rhannu ei straeon a’i newyddion lleol ei hunan.

Dechreuodd Daniel Johnson ar ei swydd ar 4 Chwefror fel Ysgogydd gogledd Ceredigion, a bydd yn cydweithio’n agos â Lowri Jones, Cydlynydd y Prosiect, Ysgogydd ardal Arfon a thîm Cwmni Golwg.

Penodiadau

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd