O faes iechyd i fyd addysg – parhau i hyrwyddo’r Gymraeg y mae Gwenan

Diweddarwyd  

Ar ôl treulio dros bedair blynedd yn gweithio i’r gwasanaeth iechyd fel Swyddog Iaith, mae Gwenan Davies wedi dechrau ar ei swydd newydd, fel Swyddog Datblygu: Marchnata a Chyfathrebu y Coleg Cymraeg Cenedlaethol.

Gwenan sy’n gyfrifol am gynrychioli’r Coleg Cymraeg mewn cyflwyniadau i ysgolion yn y de-orllewin. Ei gobaith yw cyflwyno manteision sgiliau Cymraeg er mwyn annog mwy a mwy o ddisgyblion i barhau â’u haddysg cyfrwng Cymraeg, boed hynny mewn prifysgol neu mewn coleg addysg bellach.

“Mae’n bwysig iawn iddynt ystyried y Gymraeg fel sgil gwerthfawr pan fyddan nhw’n chwilio am swydd – mae galw cynyddol am weithwyr proffesiynol dwyieithog,” meddai. Ac mae Gwenan yn gwybod hynny’n iawn, gan iddi gael blas ar bethau o safbwynt cleifion a oedd yn galw am wasanaeth yn y Gymraeg yn ei rôl fel Swyddog Iaith gyda’r Bwrdd Iechyd lleol.

Yn aelod brwd o Glwb Ffermwyr Ifanc Mydroilyn, mae Gwenan wedi bod yn rhannu ei hamser rhwng gweithgarwch yn ei chymuned adre’ yng Ngheredigion a byw a gweithio yng Nghaerfyrddin, ac mae’n cyfaddef bod y car bach yn ‘nabod y ffordd yn dda! Mae’n Gadeirydd Pwyllgor Gweithgareddau CFfI Ceredigion eleni ac wedi cymryd rhan ym mhob agwedd ar weithgarwch y mudiad. Yn wir, yn ôl Gwenan ni fyddai’n gwneud y swydd hon heb y sylfaen gadarn a gafodd gyda mudiad y ffermwyr ifanc.

Mae’n siŵr y gwelwch chi Gwenan a’i gwên yn hyrwyddo cyrsiau’r Coleg Cymraeg yn eich ardal chi’n fuan.

Cafodd y swydd hon ei hysbysebu yn Golwg ac ar Golwg360.

Penodiadau

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd