Alaw Dafydd am ddatblygu’r gwyddorau a’r Gymraeg

 

Gwella darpariaeth addysg uwch yn y gwyddorau yw nod Alaw Dafydd, sydd newydd ddechrau ar swydd ran-amser gyda Phrifysgol Aberystwyth ar gyfnod mamolaeth. Mae ei rôl fel Swyddog Datblygu’r Gwyddorau yn gysylltiedig â’r Coleg Cymraeg Cenedlaethol, ac mae Alaw yn rhannu ei hamser rhwng y swydd hon a gweithio yn Ysbyty Bronglais.

Merch fferm o ardal Llanilar yw Alaw, ac wrth ddychwelyd i’w bro ar ôl graddio o Brifysgol Caerhirfryn y llynedd mae’n awyddus i ddefnyddio ei phersbectif fel myfyriwr a groesodd y ffin i berswadio darpar-fyfyrwyr i aros yng Nghymru i astudio, ac i fanteisio ar y cyfle i astudio yn y Gymraeg.

Felly sut brofiad yw gweithio fel Swyddog Datblygu’r Gwyddorau Prifysgol Aberystwyth? Yn ôl Alaw, mae ei diwrnodau’n amrywiol iawn, ac mae lot o waith dysgu – mae’n cyfaddef bod bywyd prifysgol yn edrych yn wahanol iawn i’r “ochr arall i’r ffens” fel myfyriwr!

Elfen bwysig o’r swydd yw cydweithio â darlithwyr a chydlynu digwyddiadau a phrosiectau cydweithredol, fel y gynhadledd wyddonol. Mae Alaw’n “edrych ymlaen at weld ffrwyth y gwaith” yma ac i weld sut y gall digwyddiad fel hyn gyfoethogi profiad myfyrwyr cyfrwng Cymraeg.

Trwy’r rôl hon a’i swydd fel Gwyddonydd Biofeddygol dan hyfforddiant yn dadansoddi gwaed yn yr ysbyty lleol, mae Alaw am gael effaith bositif ar y gwyddorau a’r Gymraeg. “Rwy’n gobeithio y byddaf yn gallu parhau i gynyddu nifer y myfyrwyr sy’n astudio pynciau gwyddonol trwy gyfrwng y Gymraeg” a “thorri tir newydd” trwy ehangu’r ddarpariaeth, y prosiectau a’r adnoddau sydd ar gael, er mwyn gwella profiad myfyrwyr sy’n dewis astudio’r gwyddorau yn eu mamiaith.

Cafodd y swydd hon ei hysbysebu ar Golwg360.

Penodiadau

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd