Daeargryn L’Aquila: Saith yn euog o ddynladdiad

Diweddarwyd am  


Mae saith o bobl – chwech o wyddonwyr a chyn-swyddog Llywodraeth yr Eidal – wedi cael dedfryd o chwe blynedd yr un yn y carchar ar ôl i lys eu cael yn euog o ddynladdiad mewn perthynas â daeargryn yn L’Aquila yn 2009.

Cawson nhw eu cyhuddo o ddynladdiad ar ôl i 309 o bobl gael eu lladd yn dilyn y trychineb.

Roedd yr erlynwyr wedi honni bod y saith wedi gwneud cyhoeddiadau camarweiniol cyn i’r daeargryn, oedd yn mesur 6.3 ar raddfa Richter, daro’r ddinas.

Roedd mwy na 5,000 o wyddonwyr wedi datgan eu cefnogaeth i’r saith mewn llythyr agored i Arlywydd yr Eidal, Giorgio Napolitano.

Cyfaddefodd yr erlynwyr yn ystod yr achos nad oedd modd darogan y byddai’r daeargryn yn digwydd, ond y dylai trigolion yr ardal fod wedi derbyn rhybudd.

Roedd y saith yn aelodau o banel ymchwilio’r daeargryn yn dilyn y digwyddiad.

Cyhoeddodd y panel wythnos cyn y daeargryn nad oedd hi’n bosib darogan a fyddai’r daeargryn yn digwydd, ond nad oedd rheswm i boeni.

Fe wnaethon nhw awgrymu y dylai adeiladau gael eu hatgyfnerthu rhag ofn y byddai’r daeargryn yn taro.

Roedd yr amddiffynwyr wedi dadlau bod y cyhuddiadau’n debyg i “gyfreithiau troseddol canoloesol”.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed