Mecsico: Pena Nieto yn hawlio buddugoliaeth

Diweddarwyd am  


Enrique Pena Nieto
Ym Mecsico, mae plaid Enrique Pena Nieto fu mewn grym hyd at 12 mlynedd yn ôl, yn hawlio buddugoliaeth yn yr etholiad arlywyddol.

Ond mae’r ymgeisydd sydd wedi dod yn ail, Andres Manuel Lopez Obrador, wedi gwrthod derbyn y canlyniad nes bod y pleidleisiau i gyd wedi cael eu cyfrif.

Mae’r Sefydliad Etholaethol Ffederal wedi cyhoeddi bod  plaid Enrique Pena Nieto, yr Institutional Revolutionary Party neu PRI, wedi ennill 38% o’r bleidlais.

Roedd y blaid wedi colli’r etholiad yn 2000 ar ôl 71 mlynedd mewn grym. Cafodd y blaid ei chyhuddo o fod yn llwgr  a gormesol.

Mae Andres Manuel Lopez Obrador o’r blaid Democratic Revolution Party wedi ennill 31% o’r bleidlais, a Josefina Vazquez Mota o’r National Action Party sy’n llywodraethu ar hyn o bryd, 25% o’r pleidleisiau.

Dywedodd Enrique Pena Nieto, 45, fod ei blaid wedi cael “ail gyfle” ac na fydd yn dychwelyd i drefn y gorffennol. Mae wedi addo llywodraeth ddemocrataidd, fodern a fydd yn agored i feirniadaeth.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed