Arweinydd Gogledd Corea yn marw

Diweddarwyd am  


Kim Jong Il, chwith, gyda'i dad Kim Il Sung
Mae Gogledd Corea wedi cyhoeddi bod eu harweinydd Kim Jong Il wedi marw yn 69 oed ar ôl cael trawiad ar y galon.

Mewn darllediad arbennig ar deledu’r wlad o’r brifddinas Pyongyang, cyhoeddwyd bod Kim wedi marw ar drên yn ystod ymweliad ar 17 Rhagfyr.

Yn ôl yr adroddiadau, cafodd post mortem ei gynnal ar Rhagfyr 18 oedd yn cadarnhau’r diagnosis.

Credir bod Kim wedi cael strôc yn 2008 ond roedd yn ymddangos yn iach yn ystod ymweliadau diweddar â China a Rwsia, ac yn ystod nifer o ymweliadau ar draws  y wlad.

Yn y darllediad, dywedodd y cyflwynydd mai “dyma’r golled fwyaf i’r blaid… dyma’r tristwch mwyaf i’n pobl a’n cenedl.”

Yn dilyn ei farwolaeth, cyhoeddwyd ar deledu De Corea bod byddin Seoul ar eu gwyliadwriaeth a bod yr Arlywydd Lee Myung-bak wedi cynnal cyfarfod brys o’r cyngor diogelwch yn dilyn y newyddion.

Mae na bryder yn rhyngwladol am ansefydlogrwydd yn y rhanbarth a dywedodd llefarydd ar ran y Ty Gwyn eu bod yn cadw llygad ar y sefyllfa. Mae cynlluniau niwclear Gogledd Corea wedi peri pryder, ac mae na ofnau y bydd y rhwyg rhwng y de a’r gogledd yn gwaethygu yn dilyn y newyddion.

Roedd Kim Jong Il wedi dod yn arweinydd y wlad Gomiwnyddol yn dilyn marwolaeth ei dad, Kim Il Sung ym 1994.

Ym mis Medi 2010, roedd Kim Jong Il wedi cyhoeddi mai ei fab Kim Jong Un, sydd yn ei ugeiniau, fyddai ei olynydd.

Roedd pobl Gogledd Corea yn eu dagrau ar ôl clywed am farwolaeth eu harweinydd ac roedd cyfranddaliadau ar y farchnad stoc yn Asia wedi gostwng yn dilyn  y newyddion.

Fe fydd na gyfnod o alaru cenedlaethol hyd 29  Rhagfyr a bydd angladd Kim yn cael ei gynnal ar 28 Rhagfyr.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed