Gall pobol deithio i mewn ac allan o’r Eidal o Fehefin 3

 

Baner yr Eidal

Llun: Commons Wikimedia CC.O

Fe fydd modd i bobol deithio i mewn ac allan o’r Eidal o Fehefin 3, gan ddod â gwarchae’r coronafeirws i ben.

Fe fydd ffiniau mewnol ac allanol y wlad yn agor eto fis nesaf, wrth i’r llywodraeth ddileu’r angen am gwarantîn 14 diwrnod.

Mae gobaith y bydd y mesurau yn hwb i ddiwydiant twristiaeth y wlad, sy’n werth 13% o Gynnyrch Mewnwladol Crynswth y wlad.

Er hynny, mae Llywodraeth yr Almaen yn gorchymyn ei thrigolion i beidio â theithio tan Fehefin 15, ac mae Ffrainc yn cyhuddo’r Eidal o weithredu o flaen ei chymdogion.

Roedd 106,000 o swyddi wedi’u colli yn niwydiant twristiaeth yr Eidal erbyn mis diwethaf, ac fe allai hyd at hanner miliwn yn rhagor o swyddi fod yn y fantol os nad yw pobol yn teithio dros yr haf, yn ôl arbenigwyr.

Mae lle i gredu bod yr Eidal wedi colli 10bn Ewro (£8.9bn), sef y swm gafodd ei wario gan dramorwyr yn y wlad rhwng Mawrth a Mai y llynedd.

Mae disgwyl hefyd y bydd Llywodraeth yr Eidal yn cynnig talebau i deuluoedd y wlad gael teithio o fewn y wlad a’u gwario mewn gwestai, gwersylloedd a llefydd eraill cyn diwedd y flwyddyn.

Mae awgrym y gallai bariau, bwytai, siopau, a siopau trin gwallt a harddwch agor eto ddydd Llun (Mai 18), ac mae nifer o berchnogion bwytai wedi bod yn protestio ynghylch rheoliadau aneglur a diffyg cymorth.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn