Coronafeirws: galw ar drigolion India i beidio â mynd allan

 
Map o India

Map o India

Mae Narendra Modi, prif weinidog India, yn galw ar drigolion y wlad i beidio â mynd allan yn sgil y coronafeirws, gan addo £1.7bn er mwyn cynnal yr economi.

Bydd y mesurau yn eu lle am 21 diwrnod, ac mae’n golygu bod tua un rhan o bump o boblogaeth y byd bellach dan fesurau llym.

Pe na bai’r mesur yn cael ei gyflwyno, mae Narendra Modi yn rhybuddio y gallai India gael ei llusgo’n ôl 21 o flynyddoedd wrth ymateb i’r feirws.

Fel sy’n digwydd yng ngwledydd Prydain ar hyn o bryd, mae trigolion India wedi bod yn rhuthro i’r siopau i brynu nwyddau, ac fe fu’n rhaid galw’r heddlu i dawelu’r dorf mewn sawl ardal.

Mae 469 o achosion wedi’u cofnodi yn y wlad hyd yn hyn, a deg o farwolaethau.

Bydd siopau bwyd, banciau, peiriannau twll yn y wal a gorsafoedd petrol ar agor yn ystod y cyfnod hwn, a bydd uchafswm o 20 o bobol yn cael mynd i angladdau.

Mae oddeutu 300m o bobol yn byw mewn tlodi yn India, a dydy hi ddim yn glir eto pa gymorth fydd ar gael iddyn nhw dros yr wythnosau nesaf.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn