Galw am ohirio Gemau Olympaidd Tokyo

 

Mae nifer cynyddol o gyrff yn galw am ohirio Gemau Olympaidd Tokyo yn yr haf oherwydd y coronafeirws.

Roedd y Pwyllgor Olympaidd Rhyngwladol (IOC) dan y lach ddechrau’r wythnos am fynnu y byddai’r Gemau’n dechrau ar Orffennaf 24 yn ôl y disgwyl – er bod digwyddiadau chwaraeon wedi’u gohirio ar draws y byd.

Mae athletwyr yn parhau i feirniadu’r corff sy’n trefnu’r Gemau, ar ôl iddyn nhw ddweud eu bod nhw’n trefnu “gorau gallan nhw” er gwaetha’r feirws.

Mae cyrff fel Global Athlete a Ffederasiwn Pêl-droed Sbaen ymhlith y rhai sy’n galw am ohirio’r Gemau.

Datganiad

Wrth ddod at ei gilydd i alw am ohirio’r Gemau, mae’r cyrff yn dweud bod athletwyr eisiau i’r digwyddiad lwyddo, ond maen nhw’n tynnu sylw at fesurau sy’n cael eu cyflwyno ar draws y byd yn atal torfeydd o bobol rhag dod ynghyd.

“Mae gan chwaraeon ddyletswydd i ofalu am athletwyr a’u gwarchod,” meddai’r datganiad.

“Rhaid i iechyd cyhoeddus fod yn flaenoriaeth uwchlaw digwyddiad chwaraeon.

“Mae gofyn [i athletwyr] barhau yn ôl eu harfer ac i barhau i ymarfer ar gyfer y Gemau yn amlwg yn rhoi eu hiechyd corfforol a meddyliol mewn perygl.”

Mae’r datganiad hefyd yn gofyn i ddarlledwyr a noddwyr ddangos “hyblygrwydd a dealltwriaeth”.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones