Nifer achosion newydd coronavirus yn lleihau

 

Er bod achosion o’r coronavirus yn dal i gynyddu yn Tsieina, mae nifer yr achosion newydd wedi lleihau am yr ail ddiwrnod yn olynol.

Gyda chyfanswm o 74,185 o achosion o’r haint wedi eu cofnodi yn y wlad, a 2,004 o farwolaethau, y cyfrif am heddiw (dydd Mercher, 19 Chwefror) yw 1,749 o achosion newydd a 136 o farwolaethau.

Mae’r nifer o achosion newydd wedi cwympo i lai na 2,000 dros y ddau ddiwrnod diwethaf, ond mae’r swyddogion a’r dadansoddwyr wedi rhybuddio fod perygl o fwy o heintio difrifol wrth i weithwyr fynd yn ôl i’w gwaith ar ôl gwyliau estynedig Blwyddyn Newydd y Lleuad.

Mae’r awdurdodau yn ninas Wuhan, lle cychwynnodd yr haint, yn addo darganfod ac ynysu pob claf yn y ddinas cyn ddiwedd y dydd.

Heddiw yw diwrnod olaf yr ymgyrch drws i ddrws yn Wuhan i ddarganfod unrhyw un mae’r awdurdodau wedi eu methu hyd yn hyn.

“Does dim yn fwy pwysig na bywyd dynol,” meddai Wang Zhonglin, ysgrifennydd newydd Plaid Gomiwnyddol Wuhan. “Os oes un achos pellach yn cael ei ddarganfod ar ôl ddydd Mercher, arweinyddion y rhanbarth fydd yn gyfrifol.”

Teithwyr yn cael gadael y Diamond Princess

Yn y cyfamser, bydd llong bleser y Diamond Princess ar arfordir Japan yn cwblhau’r cyfnod o gwarantin heddiw, ac fe fydd y teithwyr yn cael gadael y llong ar ôl pythefnos o gael eu hynysu yno.

Mae beirniadu llym wedi bod o’r broses gwarantin ar fwrdd y llong. Cafwyd 542 o achosion o’r firws yno, y nifer fwyaf y tu allan i Tsieina, ac mae’r arbenigwyr meddygol wedi galw’r cwarantin yn fethiant.

Er fod swyddogion Japan yn mynnu fod y nifer o achosion yn cysoni, mae dwsinau o achosion yn parhau i godi bob dydd.

Dydd Mawrth, cafwyd 88 o bobl yn bositif, a ddydd Llun roedd 99 wedi eu heintio.

Bydd yn rhaid i’r staff, fu yn cario ymlaen a’u gwaith dyddiol dros y bythefnos diwethaf, aros ar fwrdd y llong.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones