Mae’r ymgyrchydd hinsawdd Greta Thunberg wedi dweud mai “dim ond y cam cyntaf” yw codi ymwybyddiaeth am newid hinsawdd, ac fod yno lot mwy i’w gyflawni.
Wrth siarad fel rhan o banel o ymgyrchwyr ifanc yn y World Economic Forum yn Davos, dywed Greta Thunberg: “Nid fi yn unig oedd yn gyfrifol, ond yr holl bobl ifanc yma’n dod at eu gilydd, i ffurfio’r cynghreiriau yma.
“Mae pobl yn fwy ymwybodol nawr, mae’r hinsawdd a’r amgylchedd yn bwnc llosg bellach.”
Aeth ymlaen i ddweud bod angen gwneud mwy na dim ond codi ymwybyddiaeth.
“Dyw hyn ddim ond y cam cyntaf,” meddai Greta Thunberg.
“Os na chaiff hyn ei drin fel argyfwng go iawn, allwn ni ddim ei ddatrys.”
