Cynnal etholiad cyffredinol Iwerddon ar Chwefror 8

 

Llun: CC0

Fe fydd etholiad cyffredinol Iwerddon yn cael ei gynnal ar Chwefror 8.

Mae Leo Varadkar, y prif weinidog, wedi gofyn am ganiatâd ffurfiol i ddiddymu senedd y Dail.

Wrth gyhoeddi’r etholiad, dywedodd Leo Varadkar o adeiladau’r senedd yn Nulyn mai nawr yw’r “amser cywir” i’w gynnal, gan gyfeirio at fargen Brexit a chytundeb Stormont yng Ngogledd Iwerddon.

Mae’n dweud bod sicrhau mandad y llywodraeth yn Iwerddon yn hollbwysig wrth drafod y berthynas rhwng yr Undeb Ewropeaidd a’r Deyrnas Unedig yn y dyfodol.

Yn y cyfamser, fydd y Gweinidog Iechyd Simon Harris ddim bellach yn wynebu pleidlais o ddiffyg hyder, gan fod disgwyl i honno gael ei chynnal y mis nesaf.

Roedd disgwyl y byddai Leo Varadkar wedi aros tan yr haf cyn cynnal etholiad cyffredinol, ond mae ei blaid dan bwysau i sicrhau cefnogaeth ar gyfer nifer o bolisïau allweddol.

Mae diwedd y senedd hefyd yn golygu terfyn ar gytundeb fesul polisi rhwng Fine Gael a Fianna Fail a gafodd ei sefydlu yn 2016.

Daeth Leo Varadkar yn Taoiseach ar ôl olynu Enda Kenny yn arweinydd Fine Gael yn 2017.

 

Gwleidyddiaeth

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones