Yr Unol Daleithiau wedi lladd un o ffigurau mwyaf amlwg byddin Iran

Diweddarwyd am  
Donald Trump

Donald Trump

Llun: Commons-wicipedia-CC0.jpg

Mae’r Unol Daleithiau wedi lladd un o ffigurau mwyaf amlwg byddin Iran mewn ymosodiad ym maes awyr Baghdad ddydd Gwener (Ionawr 3).

Mae’r ymosodiad ar y Cadfridog Qassem Soleimani yn bygwth cynyddu’r tensiynau yn y rhanbarth gan arwain at wrthdaro pellach rhwng yr Unol Daleithiau ac Iran a pheryglu lluoedd yr UDA yn Irac, Syria a thu hwnt.

Dywedodd adran amddiffyn yr Unol Daleithiau eu bod wedi lladd y Cadfridog Qassem Soleimani am ei fod yn “cynllwynio i ymosod ar ddiplomyddion yr Unol Daleithiau ac aelodau’r lluoedd yn Irac a thrwy’r rhanbarth.”

Roedd hefyd wedi cyhuddo’r Cadfridog Qassem Soleimani o gymeradwyo’r ymosodiadau ar Lysgenhadaeth yr Unol Daleithiau yn Baghdad yn gynharach yn yr wythnos.

Mae ymgynghorydd i Arlywydd Iran, Hassan Rouhani, wedi rhybuddio’r Arlywydd Donald Trump y bydd Tehran yn dial.

Yn yr ymosodiad yn y maes awyr, cafodd Abu Mahdi al-Muhandis, y dirprwy gadlywydd milwrol yn Irac, hefyd ei ladd ynghyd a phump o swyddogion eraill.

“Peryglus a ffol”

Roedd Donald Trump ar ei wyliau yn Palm Beach, Florida pan ddigwyddodd yr ymosodiad.

Daw’r ymosodiad diweddara wedi misoedd o densiynau rhwng Iran a’r Unol Daleithiau.

Mae’r Seneddwr Democrataidd Richard Blumenthal wedi dweud bod angen i Donald Trump roi eglurhad llawn i’r Gyngres a phobol America gan ddweud nad oedd ganddo’r awdurdod i “ddechrau rhyfel newydd posib.”

Mae nifer o Ddemocratiaid eraill hefyd wedi beirniadu’r ymosodiad, gan ddweud bod penderfyniad Donald Trump yn un “peryglus a ffol.”

Mae pris olew wedi codi’n gyflym led led y byd wedi’r ymosodiad.

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones