Twrci: arestio dwsinau sy’n cael eu hamau o fod a chysylltiad ag IS

Diweddarwyd am  

Ankara, prifddinas Twrci

Llun: CC0

Mae’r heddlu yn Nhwrci wedi arestio dwsinau o bobol sy’n cael eu hamau o fod a chysylltiad â’r Wladwriaeth Islamaidd (IS).

Yn ôl asiantaeth newyddion y wlad, mae’r heddlu wedi cymryd camau yn erbyn y grŵp brawychol cyn dathliadau’r Flwyddyn Newydd.

Cafodd o leiaf 33 o bobol o dramor eu harestio yn y brifddinas Ankara mewn cyrch ar y cyd rhwng swyddogion gwrth-frawychiaeth a’r asiantaeth cudd-wybodaeth, yn ôl  Anadolu Agency.

Dywedodd yr asiantaeth newyddion bod y rhai gafodd eu harestio yn Ankara yn dod o Irac, Syria a Moroco. Mae’r heddlu’n chwilio am oddeutu 17 o bobol eraill sy’n cael eu hamau o fod a chysylltiad â IS, meddai’r asiantaeth.

Roedd IS wedi hawlio cyfrifoldeb am ymosodiad mewn clwb nos yn Istanbwl yn ystod dathliadau’r Flwyddyn Newydd yn 2017. Cafodd 39 o bobol eu lladd yn y digwyddiad, y rhan fwyaf ohonyn nhw yn ymwelwyr o dramor.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones