Llosgfynydd Seland Newydd: nifer y meirw yn codi i 19

Diweddarwyd am  
Llosgfynydd Ynys Wen yn Seland Newydd

Llosgfynydd Ynys Wen yn Seland Newydd

Llun; O wefan GNS Science yn Seland Newydd

Mae nifer y meirw wedi i losgfynydd ffrwydro yn Seland Newydd wedi codi i 19.

Dywedodd yr heddlu bod un o’r dioddefwyr wedi marw mewn ysbyty yn Auckland nos Sul (Rhagfyr 22).

Roedd 47 o bobol yn ymweld â’r atyniad ar Ynys Wen pan ffrwydrodd y llosgfynydd ar Ragfyr 9. Bu farw 13 o bobol yn y fan a’r lle a chafodd mwy na 24 o bobol eraill eu cludo i’r ysbyty gyda llosgiadau difrifol.

Dyma fydd y chweched person i farw mewn ysbytai yn Seland Newydd ac Awstralia yn y pythefnos ers y ffrwydrad. Nid yw’r heddlu wedi cyhoeddi enw’r person fu farw neithiwr.

Nid yw’r awdurdodau wedi dod o hyd i gyrff dau berson arall oedd ar yr ynys, a chredir eu bod nhw wedi cael eu sgubo i’r môr mewn storm yn fuan ar ôl y ffrwydrad.

Roedd nifer o’r rhai gafodd eu lladd neu eu hanafu yn ymwelwyr o Awstralia oedd yn teithio ar long bleser y Royal Caribbean, Ovation of the Seas.

Nid yw’n glir a fydd Ynys Wen, sydd hefyd yn cael ei hadnabod wrth ei henw Maori, Whakaari, yn ail-agor i dwristiaid fyth eto.

Mae’r awdurdodau yn Seland Newydd yn ymchwilio i amgylchiadau’r digwyddiad ar ôl i’r asiantaeth sy’n monitro’r llosgfynydd, GeoNet, rybuddio bod lefel y posibilrwydd o ffrwydrad ar yr ynys wedi cynyddu ar Dachwedd 18.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones