Cadarnhau penodiad prif weinidog ieuenga’r byd

 
Baner Ffindir

Llun: Commons Wikimedia CC0

Daeth cadarnhad bellach mai Sanna Marin yw prif weinidog newydd y Ffindir – a’r prif weinidog ieuengaf yn y byd.

A hithau’n 34 oed, bydd hi’n arwain llywodraeth glymblaid sy’n cyfuno pum plaid i’r chwith o’r canol.

Mae hi’n olynu Antti Rinne, oedd wedi camu o’r neilltu’r wythnos ddiwethaf ar ôl colli cefnogaeth un o bleidiau’r glymblaid flaenorol, ond fe fydd e’n parhau i arwain y blaid tan y flwyddyn nesaf.

Menywod yw arweinwyr y pedair plaid arall hefyd, a thair ohonyn nhw yn eu 30au cynnar.

Cafodd Sanna Marin sêl bendith senedd y Ffindir o 99 o bleidleisiau i 70, ac mae gan ei llywodraeth fwyafrif cyfforddus o 117.

Bydd hi’n derbyn mandad gan yr Arlywydd Sauli Niinisto heddiw er mwyn cael dechrau ar ei gwaith.

Bydd hi’n cael mynd i Frwsel ddiwedd yr wythnos i gynrychioli’r llywodraeth mewn uwchgynhadledd Ewropeaidd.

 

Gwleidyddiaeth

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones