Brasil yn galw am ragor o gymorth i’r Amazon

 

Mae un o weinidogion llywodraeth Brasil yn galw am ragor o gefnogaeth er mwyn ceisio gwarchod yr Amazon.

Mae angen cymorth gwledydd cyfoethog, yn ôl Ricardo Salles, Gweinidog yr Amgylchedd y wlad, fu’n siarad mewn uwchgynhadledd ar newid hinsawdd.

“Rydyn ni’n fodlon gwneud beth bynnag sydd angen ei wneud, ond mae angen y gefnogaeth honno,” meddai.

“Cafodd y gefnogaeth honno ei haddo flynyddoedd yn ôl ac rydyn ni’n dal i ddisgwyl i’r gwledydd cyfoethog gymryd rhan mewn modd priodol.

“Arian priodol fydd ei angen arnon ni ar gyfer y dasg honno.”

Hybu polisïau dadleuol

Yn ystod yr uwchgynhadledd, mae Ricardo Salles yn tynnu sylw at bolisïau amgylcheddol dadleuol yr arlywydd Jair Bolsonaro.

Fe fu ffrae rhwng yr arlywydd ac arweinwyr nifer o wledydd Ewropeaidd eleni ynghylch ei ymrwymiad i warchod yr Amazon.

Mae ymgyrchwyr wedi bod yn beirniadu agwedd yr arlywydd atyn nhw a rheoleiddwyr amgylcheddol ar ôl iddo alw am fwy o ddatblygiadau yn y rhanbarth.

Mae hefyd yn cyhuddo ymgyrchwyr o gynnau tanau er mwyn ceisio tanseilio’i lywodraeth.

Mae datgoedwigo wedi cyrraedd ei lefel uchaf yn y wlad ers 11 o flynyddoedd, wrth i filoedd o erwau gael eu colli.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn