O leiaf 43 o bobol wedi’u lladd mewn tân yn Delhi Newydd

 
Map o India

Map o India

Mae o leiaf 43 o bobol wedi cael eu lladd yn dilyn tân mewn marchnad boblogaidd yn Delhi Newydd.

Fe fu’r gwasanaeth tân yn ceisio diffodd y fflamau o 100 metr i ffwrdd gan fod y llwybrau ym marchnad Sadar Bazaar yn rhy gul i gerbydau ac am fod ceblau trydanol yn y ffordd.

Gweithwyr ffatri oedd y rhan fwyaf o’r rhai fu farw, ac roedden nhw’n cysgu pan ddechreuodd y tân am oddeutu 5.30yb, yn ôl yr awdurdodau.

Mae ymchwiliad ar y gweill i geisio darganfod a oedd gweithwyr yn gweithio yno’n anhgyfreithlon.

Mae 16 o bobol sydd wedi goroesi’r tân yn derbyn triniaeth yn yr ysbyty am effeithiau’r mwg.

Mae llywodraeth India yn addo y bydd teuluoedd y rhai fu farw ac a gafodd eu hanafu yn derbyn iawndal, ac mae’r prif weinidog Narendra Modi yn dweud bod y digwyddiad yn un “erchyll dros ben”.

Daw’r tân lai na blwyddyn ers i 17 o bobol gael eu lladd mewn tân mewn gwesty chwe llawr yn y ddinas.

Dechreuodd hwnnw mewn cegin.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones